Esta situación de aprendizaxe ten como fío condutor a cociña, e todo o proceso para a preparación dun bo prato: desde a compra, co seu orzamento, ata a creación de receitas.

Como reto proponse a elaboración en equipo dun receitario, que recollerá os ingredientes e cantidades, tempos de elaboración, dificultades, variacións e orzamentos dos pratos propostos.

As metas a acadar son:

• Formular novos problemas sobre situacións cotiás que se resolvan matematicamente.
• Afianzar o concepto de número decimal, a súa ordenación e representación.
• Interpretar e realizar operacións con números decimais e a súa aplicación en situacións reais.
• Seleccionar unha estratexia, comparando entre varias, para resolver problemas que empreguen estes números.
• Realizar conexión dos coñecementos previos cos novos.
• Empregar a calculadora para a resolución de problemas de números decimais.
• Desenvolver destrezas sociais de traballo en equipo respectado as opinións dos demais.