Eixes da proposta didáctica

Esta proposta didáctica, O gran libro das emocións, está baseada nos eixes principais da materia de Lingua Galega e Literatura para 6º de Educación Primaria e céntrase na creación de relatos emocionais a partir de lendas locais ou vivencias familiares, coa finalidade de desenvolver a competencia lingüística, a intelixencia emocional e a expresión creativa do alumnado.

Os eixes principais son os seguintes:

Fomento da Competencia Lingüística: Traballar a comprensión e expresión oral e escrita en lingua galega mediante a creación de textos narrativos, recoñecendo a súa estrutura e os elementos principais que os compoñen.
Aplicación da Aprendizaxe Baseada en Proxectos (ABP): Elaborar un produto final cooperativo —un libro de historias organizadas por emocións— a través dun proceso activo, creativo e reflexivo.
Incorporación dos ODS: Promover unha educación inclusiva e de calidade (ODS 4) e favorecendo a recuperación, conservación e posta en valor do patrimonio inmaterial local mediante a recollida de historias, lendas e lembranzas da contorna, reforzando así o vínculo co territorio e a identidade cultural (ODS 11) todo isto mediante o traballo coas emocións e o deseño universal para a aprendizaxe (DUA).
Conciencia lingüística e identidade cultural: Revalorizar o galego como ferramenta para a transmisión de historias, sentimentos e saberes populares, reforzando a conexión co contorno e co patrimonio inmaterial.
Inclusión e accesibilidade: Garantir a participación de todo o alumnado mediante a adaptación dos textos ás diferentes necesidades, empregando estratexias e ferramentas.
Valores e competencias sociais: Fomentar a empatía, o respecto, a escoita activa e a cooperación a través da construción dun relato colectivo que reflicta a diversidade emocional da aula.

Esta contextualización favorece a integración entre as competencias lingüísticas, emocionais e sociais, facendo desta situación de aprendizaxe unha experiencia significativa, conectada coa realidade afectiva do alumnado e co seu entorno cultural.

Contidos, obxectivos específicos e competencias clave

Este REA, en relación coa programación didáctica de referencia publicada en PROENS para a materia de "Lingua Galega e Literatura" de 6º de Educación Primaria, contextualízase coa unidade 4: "Os meus sentimentos". Pola súa situación enmarcaríase no 2º trimestre.

O recurso aborda os contidos presentes no bloque 2 Comunicación Oral; no bloque 3 Comunicación escrita; no bloque 4 Alfabetización mediática e informacional e no bloque 6 Reflexión sobre a lingua e os seus usos no marco de proposta de Elaboración de textos multimodais.

Contidos	Bloque da materia
Xéneros discursivos: Elementos básicos de contido en textos orais (tema, fórmulas fixas, léxico, inferencias de información). Procesos: interacción oral: Estratexias para a utilización da linguaxe oral como instrumento de comunicación e aprendizaxe: escoitar, recoller datos, preguntar, exposición de ideas e para a identificación e interpretación do sentido global do texto e de integración da información explícita de textos orais e multimodais sinxelos e a realización de inferencias para superar o seu sentido literal. Procesos: comprensión oral: Comprensión global e específica de textos orais de diversa tipoloxía atendendo á forma da mensaxe (descritivos, narrativos, dialogados, expositivos) e á súa intención comunicativa (informativos, literarios e prescritivos), desenvolvendo unha valoración crítica e detectando usos discriminatorios da linguaxe verbal e non verbal. Procesos: comprensión oral: Audición, dramatización e reprodución de textos adecuados ao nivel que estimulen o seu interese e gustos. Procesos: produción oral: Produción e reprodución de textos orais de diversa tipoloxía segundo o seu formato e intención comunicativa, adecuados ao nivel e que estimulen o seu interese. Pronuncia e entoación adecuadas nos distintos contextos, atendendo á particularidade fonética da lingua galega.	Bloque 2
Xéneros discursivos: Intención comunicativa e claves da tipoloxía textual básica: narración, descrición, diálogo, exposición e argumentación. Procesos: comprensión lectora: Comprensión global e específica de textos diversos da literatura galega, atendendo á forma da mensaxe (descritivos, narrativos, dialogados, expositivos) e a súa intención comunicativa (informativos, literarios e prescritivos), desenvolvendo unha valoración crítica destes. Procesos: produción escrita: Elaboración de textos, con presentación coidada, utilizando a lingua galega con intención comunicativa e creatividade.	Bloque 3
Participación activa en comunidades lectoras a través da biblioteca escolar.	Bloque 4
Lectura autónoma e comentada de obras ou fragmentos variados e diversos da literatura galega adecuados á súa idade e organizados en itinerarios lectores, iniciándose na súa análise. Progreso na construción da identidade lectora en textos da literatura galega. Estratexias para a expresión de gustos e intereses e para a valoración crítica elemental das obras. Interpretación autónoma e compartida das obras literarias en Lingua Galega a través de conversacións literarias, participando en comunidades lectoras de ámbito escolar e social. Valoración dos textos literarios e da literatura en xeral como vehículo de comunicación, como fonte de coñecemento da contorna, doutros mundos, tempos e culturas e como recurso de gozo persoal. Lectura expresiva, dramatización o interpretación de fragmentos atendendo aos procesos de comprensión e ao nivel de desenvolvemento. Análise acompañada da relación entre os elementos básicos da obra literaria (tema, protagonista, personaxes, trama, escenario) e a construción progresivamente autónoma do sentido da obra. Creación de textos literarios de maneira libre, en galego e con progresiva complexidade (léxico, estruturas, sentido estético) e a partir da apropiación e explotación dos modelos dados. Recoñecemento e elaboración guiada de textos literarios en prosa ou en verso (contos, lendas, poemas, adiviñas, cancións e teatro), valorando o sentido estético e a creatividade. Distinción entre os diferentes subxéneros. Coñecemento de lendas galegas, españolas e doutros países.	Bloque 5
Modalidades oracionais en relación coa intención comunicativa. Estratexias para a construción guiada de conclusións propias sobre o sistema lingüístico a través de observación, transformación de enunciados (substitución, inserción, supresión, cambio de orde, manipulación), formulación e comprobación de hipóteses e contrastes co castelán e con outras linguas. Aproximación á lingua como sistema con distintos niveis: sons, letras, palabras, oracións e textos. Observación e comparación de unidades comunicativas básicas. Mecanismos de coherencia e cohesión elementais, con especial atención ás substitucións pronominais como mecanismo gramatical de referencia interna e á correlación temporal establecida mediante os distintos tempos verbais.	Bloque 6

Os obxectivos da materia que se traballan neste REA son os que seguen:


Obxectivos	Descrición
OBX 2	Comprender e interpretar textos orais e multimodais identificando o sentido xeral e a información máis relevante, e valorando con axuda aspectos formais e de contido básicos para construír coñecemento e responder a diferentes necesidades comunicativas.
OBX 3	Producir textos orais e multimodais con coherencia, claridade e rexistro adecuados para expresar ideas, sentimentos e conceptos; construír coñecemento; establecer vínculos persoais; e participar con autonomía e unha actitude cooperativa e empática en interaccións orais variadas.
OBX 4	Comprender e interpretar textos escritos e multimodais, recoñecendo o sentido global, as ideas principais e a información explícita e implícita, e realizando con axuda reflexións elementais sobre aspectos formais e de contido, para adquirir e construír coñecemento e para responder a necesidades e intereses comunicativos diversos.
OBX 5	Producir textos escritos e multimodais, con corrección gramatical e ortográfica básicas, seriando correctamente os contidos e aplicando estratexias elementais de planificación, textualización, redacción, revisión e edición para construír coñecemento e para dar resposta a demandas comunicativas concretas.
OBX 6	Buscar, seleccionar e contrastar información procedente de dúas ou máis fontes, de forma planificada e co debido acompañamento, avaliando a súa fiabilidade e recoñecendo algúns riscos de manipulación e desinformación, para transformala en coñecemento e para comunicala de maneira creativa, adoptando un punto de vista persoal e respectuoso coa propiedade intelectual.
OBX 9	Reflexionar de forma guiada sobre a linguaxe a partir de procesos de produción e comprensión de textos en contextos significativos, utilizando a terminoloxía elemental adecuada para iniciarse no desenvolvemento da conciencia lingüística e para mellorar as destrezas de produción e comprensión oral e escrita.

A continuación inclúense os descritores das competencias clave que marca a normativa vixente e que son traballadas neste recurso.


Competencias clave	Clave dos descritores operativos
Competencia en comunicación lingüística (CCL)	CCL1, CCL2, CCL3, CCL5
Competencia plurilingüe (CP)	CP2
Competencia matemática e competencia en ciencia, tecnoloxía e enxeñaría (STEM)	STEM1, STEM2
Competencia dixital (CD)	CD1, CD2, CD3, CD4
Competencia persoal, social e de aprender a aprender (CPSAA)	CPSAA3, CPSAA4, CPSAA5
Competencia cidadá (CC)	CC2, CC3
Competencia emprendedora (CE)	CE1, CE3