Recursos materiais necesarios

Este REA está deseñado para poder ser realizado cos seguintes materiais:

• Ordenadores con conexión a internet. De non contar con ordenadores, pódese realizar en pantallas interactivas en gran grupo.
• Un caderno por alumno/a.
• Documentos do REA facilitados en formato editable (.odt) e pdf. 
• Material funxible (cartolinas, pinturas, folios...).
• Radio escolar ou ordenadores con gravadora de son.

Proposta de agrupamentos para actividades grupais

Ao longo do REA desenvólvense actividades individuais coma en grupo.

O profesorado será quen de adaptar estas actividades segundo as características do alumnado e de facer os grupos da forma máis equitativa posible, favorecendo o traballo en equipo e potenciar as fortalezas de cada membro.

Reto final

O reto final deste REA consiste na creación e exposición dun minimundo por equipos, no cal se represente un ecosistema. O minimundo debe reflectir os aspectos traballados previamente: biótopo, biocenose, pegada ecolóxica humana e conciencia social.

Enfoque multinivel do reto

O deseño do minimundo pode abordarse aportando ao alumnado distintos niveis de información. Esto fai que o reto se poida multinivelar.

Ademais, durante toda a situación de aprendizaxe ofrécense actividades multiniveladas, por exemplo:

Fase 2.4. Creamos unha atmosfera > Ti elixes! > Actividade despregable -  As capas da atmosfera.

Ofrece 3 niveis de concreción para que o alumnado complete segundo os seus coñecementos e habilidades.

Fase 3.3. Xogamos con este clima? > Tarefa sobre clima e ríos > 3. Lapbook

Ofrece 3 niveis de complexidade que van dende completar poucas palabras á transferencia de aprendizaxes e o pensamento indutivo.

Fase 3.8. Educación viaria > Cada pardal co seu igual > Xoga coa sinalización.

Ofrece 3 niveis progresivos de dificultade para alumnado con diferentes habilidades de velocidade visual e lectoescritora.

Grazas ao material  editable incluido nesta guía, o profesorado poderá adaptar o REA e o material ás características da súa aula ou aos contidos concretos que precise traballar.

Traballo das competencias

Este REA traballa as competencias clave de forma transversal.

É importante realizar tarefas que favorezan o desenvolvemento persoal, social e laboral do alumnado.