Este REA (Recurso Educativo Aberto) ten como obxectivo principal que o alumnado integre nos seus coñecementos unha parte dos bloques dos sentidos numérico, espacial e socioafectivo do currículo de 2.º de ESO tomando como fío condutor a reconversión dun antigo negocio familiar nunha xeadería, poñendo en valor produtos galegos, e innovando en receitas e deseño.

Ademais, incorpora estratexias de resolución de problemas e de traballo en equipo, a través de situacións reais motivadoras que requiren distintos niveis de dificultade.

Para acadalo proponse deseñar unha estantería e organizar nos seus andeis os produtos necesarios para elaborar distintas receitas de xeados, empregando fraccións e decimais.

As metas de aprendizaxe son as seguintes:

• Coñecer situacións reais nas que que se aplican as fraccións e os decimais para xestionar recursos.
• Utilizar as fraccións e os números decimais para expresar cantidades e representalas nunha receita.
• Interpretar e resolver problemas que utilicen fraccións oi decimais, elaborando representacións na súa resolución, aplicando ferramentas e estratexias apropiadas.
• Traballar en equipo, respectando diferentes opinións, comunicando de maneira efectiva, repartindo as tarefas, favorecendo a inclusión, pensando de forma crítica e creativa.
• Xestionar emociones propias con expectativas positivas ante novos retos matemáticos.