Criterios de avaliación e mínimos de consecución
| Códigos CA: descrición dos criterios de avaliación | Mínimos de consecución | Instrumentos de avaliación | Unidade didáctica (Proens) | % (Orientación de Proens) |
|---|---|---|---|---|
| CA1.1 - Recoñecer as linguas oficiais de España e as variedades dialectais do español, con atención especial ao galego e ao castelán, identificando as nocións básicas das linguas, tanto de España como as que forman os repertorios lingüísticos do alumnado, e contrastando algúns do seus trazos en manifestacións orais, escritas e multimodais | Diferenciar as linguas oficiais de España e comparar os trazos característicos básicos do galego e do castelán |
PE (non incluída no REA) |
1 | 22,5 |
| CA1.2 - Identificar prexuízos e estereotipos lingüísticos adoptando unha actitude de respecto e valoración da riqueza cultural, lingüística e dialectal, a partir da observación da diversidade lingüística da contorna | Valorar a riqueza cultural que supón a diversidade lingüística e actuar de forma respectuosa coas diferentes linguas e dialectos |
TI _ Rúbrica Sociolingüística |
1 | 12,5 |
| CA1.3 - Identificar e evitar os usos discriminatorios da lingua e a manipulación a través da palabra, a partir da reflexión e da análise dos elementos lingüísticos, textuais e discursivos utilizados, así como dos elementos non verbais que rexen a comunicación entre as persoas | Evitar os prexuízos e estereotipos lingüísticos e identificar, como mínimo, os elementos verbais que resulten discriminatorios |
TI _ Rúbrica Sociolingüística TI _ Rúbrica expresión escrita |
1 | 15 |
| CA3.3 - Planificar a redacción de textos escritos e multimodais sinxelos, atendendo á situación comunicativa, ao destinatario, ao propósito e á canle; redactar borradores e revisalos coa axuda do diálogo entre iguais e instrumentos de consulta e presentar un texto final coherente, cohesionado e co rexistro adecuado | Producir textos utilizando o rexistro adecuado e presentando as ideas de maneira coherente e cohesionada |
TI _ Rúbrica expresión escrita TI _ Rúbrica vídeo |
3 | 5 |
| CA3.4 - Incorporar procedementos básicos para enriquecer os textos, segundo os aspectos discursivos, lingüísticos e de estilo, procurando a precisión léxica e a corrección ortográfica e gramatical | Amosar vontade de estilo na creación do tríptico |
TI _ Rúbrica tríptico TI_ expresión oral |
3 | 5 |
| CA3.7 - Revisar os textos propios de maneira guiada e facer propostas de mellora argumentado as mudanzas a partir da reflexión metalingüística e interlingüística e cunha metalinguaxe específica, consultando de forma progresivamente autónoma dicionarios, manuais e gramáticas | Detectar nos textos propios os erros formais (ortografía e signos de puntuación) e subsanar as incoherencias | TI _ Rúbrica expresión escrita | 3 | 5 |
| CA3.8 - Utilizar estratexias para a resolución dialogada dos conflitos e para a procura de consensos, abarcando tanto o ámbito persoal coma o educativo e o social | Respectar o turno de palabra, expoñer de forma concreta os problemas detectados e esforzarse por suxerir todas as alternativas de solución posibles |
TI _ Rúbrica expresión escrita TI_Táboa de observación votación |
3 | 5 |
| CA4.1 - Participar de xeito activo e adecuado en interaccións orais informais con relación a obras literarias no traballo en equipo e mais en situacións orais formais de carácter dialogado (como actos culturais vinculados co circuíto literario e co lector), mantendo actitudes de escoita activa e estratexias de cooperación coloquial e cortesía lingüística | Realizar unha escoita activa, respectar as opinións alleas e expor con claridade as achegas | TI _ Rúbrica expresión oral | 3 | 5 |
| CA4.2 - Comprender e interpretar o sentido global, a estrutura, a información máis relevante e a intención do emisor en textos literarios escritos e multimodais sinxelos, respondendo a diferentes propósitos de lectura | Captar a idea principal e a información máis relevante dos textos literarios escritos | PE (non incluída no REA) | 3 | 5 |
| CA4.3 - Valorar a forma e o contido de textos literarios sinxelos avaliando a súa calidade e a eficacia dos procedementos comunicativos empregados | Localizar en textos literarios sinxelos os principais recursos expresivos e valorar o seu efecto sobre o receptor | PE (non incluída no REA) | 3 | 5 |
| CA4.5 - Compartir a experiencia da lectura en soportes diversos relacionando o sentido da obra coa propia experiencia biográfica e lectora | Establecer conexións entre as obras, o seu contexto e outras expresións culturais próximas | TI _ Rúbrica expresión escrita | 3 | 5 |
| CA4.7 - Establecer, de xeito guiado, vínculos argumentados entre os textos lidos e outros textos escritos, orais ou multimodais, así como con outras manifestacións artísticas e culturais en función de temas, tópicos, estruturas, linguaxe e valores éticos e estéticos, mostrando a implicación e a resposta persoal do alumnado na lectura | Relacionar os textos polo emprego común de temas, estruturas ou códigos de comunicación | PE (non incluída no REA) | 3 | 5 |
| CA4.8 - Crear textos persoais ou colectivos con intención literaria e conciencia de estilo en distintos soportes e con axuda doutras linguaxes artísticas e audiovisuais, partindo da lectura de obras ou anacos significativos en que se empreguen as convencións formais dos diversos xéneros e estilos literarios | Producir textos de intención literaria usando os recursos expresivos aprendidos | PE (non incluída no REA) | 3 | 5 |
| Lenda: %: Peso orientativo (o profesorado debe axustalo á súa programación); PE: Proba escrita, TI: Táboa de indicadores | ||||