1.1. Diferentes fogares para diferentes animais

1.2. Fagamos unha granxa virtual

Deséñase esta situación de aprendizaxe ca finalidade principal de desenvolver as competencias clave, a través dos contidos relativos a esta unidade. Paralelamente, preténdese que o alumnado estea inmerso nun contexto motivador e cercano a súa realidade, e para iso, deséñase un reto, que incite a adquisición dos contidos necesarios para chegar a realizalo.

Presentar este reto: a creación dunha granxa virtual a través dunhas tarxetas, xunto ca importancia da preservación dos biomas como base do mantemento da biodiversidade, é o contido desta primeira sesión.

2.1. O vivo está ordenado

2.2. Somos células

2.3. Son tres!

2.4. Diversos e clasificados

Activación de contidos previos:  organización estrutural dos seres vivos,  a teoría celular, as funcións vitais, e a organización en reinos da diversidade. 

Poderemos detectar o nivel, as carencias, e as dificultades na adquisición destes coñecementos, que, son base para poder abordar a seguinte fase.

2.5. Mulleres con sona

Presentación de mulleres importantes no mundo da zooloxía e traballo de reflexión sobre os impactos das nosas accións cotiás.

2.6. Ti que dis!

Investigación sobre unha falsa crenza. Preténdense crear conflitos cognitivos, para afianzar a construción dos coñecementos científicos, e, con eles, valorar a realidade próxima.

3.1. Todos os animais

3.2. Algúns non teñen vértebras

3.3. Algúns teñen vértebras

3.4. Todos son importantes

3.5. Comproba o que aprendiches!

Afondamento nas características xerais dos animais, e nas dos diferentes grupos de invertebrados e vertebrados; e relevancia ecolóxica dos animais. Todo isto acompañado de diferentes actividades multinivel.

O coñecemento da biodiversidade, e o papel por ela desenvolvido, conleva a un incremento na estima destes seres vivos, e motor da motivación para a súa conservación.

4.1. Grupos de investigación

4.2. Espazo de documentación

4.3. Creación das tarxetas

Desenvolvemento do reto: actividade grupal estruturada en tres fases: formar os distintos grupos de traballo, procura de información e imaxe representativa e, finalmente, elaboración das tarxetas identificadoras de cada animal, coas características esixidas.

Actividade grupal, con moita compoñente motivacional. Pretende ser a consolidadora dos novos contidos adquiridos nas fases anteriores, e en sí mesma, unha tarefa que incremente a concienciación e sensibilización fronte a importancia da conservación da biodiversidade. 

Nesta última fase ten lugar a presentación dos animais seleccionados, nas tarxetas; sumarízase a aprendizaxe adquirida mediante un mapa conceptual, invítaselle a que avalíen o proceso a través dunha rúbrica, e finalmente ten lugar unha reflexión sobre todo o proceso realizado, así como da adquisición de novos coñecementos.

Culmina así o proceso de investigación, adquisición e consolidación dos contidos realizado polo alumnado ao longo desta unidade. Pero non podemos esquecer todos os procesos cognitivos de contraste/refutación de hipóteses aos que foron expostos, baixo un prisma científico.

Estas situacións de aprendizaxe, convírtense pois, en potenciadores das competencias clave, obxectivo primordial.