Tengo una idea...

Este é o REA (Recurso Educativo Aberto) número 7 -dun total de 8- elaborado no marco do proxecto cREAgal para a materia de Matemáticas de 5º de Educación Primaria.

A situación de aprendizaxe articúlase sobre o deseño de propostas de mellora da contorna escolar. Partindo da análise dos espazos do centro educativo, o alumnado traballa o sistema de coordenadas cartesianas, a representación espacial e o uso da escala para elaborar planos e maquetas. Trabállase a localización de puntos no plano, as transformacións xeométricas, a visualización 2D e 3D.

O reto consiste na presentación dunha proposta de mellora dun espazo do centro educativo, mediante a elaboración dun plano a escala e/ou unha maqueta sinxela. Cada equipo deberá xustificar a súa idea utilizando vocabulario xeométrico axeitado, representar graficamente a proposta e comunicar o proceso seguido.