O patio en festa

O patio en festa é o Recurso Educativo Aberto (REA) número 2 do proxecto cREAgal para a área de Música e Danza de 6º de Educación Primaria. Os contidos tratados están relacionados coa música latinoamericana, en concreto cos ritmos latinos que máis se escoitan nas festas galegas, dando resposta á unidade didáctica UD2 da programación didáctica modelo Proens e parte da unidade didáctica UD4.

Esta situación de aprendizaxe comeza coa análise do patio do colexio para facer consciente ao alumnado da necesidade de promover cambios e dinamizalo. Motívase o discente co reto de organizar e celebrar unha sesión de música latina que terá lugar no patio. Ao longo deste REA, o alumnado participará nunha batucada e coñecerá e bailará diferentes estilos de música latinoamericana como o merengue, o chachachá, a cumbia e a salsa.