¡Nos vamos de viaje!

Este é o REA (Recurso Educativo Aberto) número 1 -dun total de 6- elaborado no marco do proxecto cREAgal para a materia de Lingua Castelá e Literatura de 1º de Educación Secundaria Obrigatoria.

A situación de aprendizaxe está deseñada para que o alumnado recoñeza a realidade plurilingüe de España como unha fonte de riqueza cultural. Ademais de profundar nas linguas do Estado, o alumnado investigará sobre outras manifestacións artísticas e culturais, especialmente as creacións literarias.

No reto proposto, o alumnado terá que planificar en grupos a excursión final de curso a unha comunidade autónoma de España. Elaborarán un tríptico informativo sobre o destino escollido e realizarán un breve vídeo explicativo da súa proposta de viaxe.