Minichefs

Este é o REA (Recurso Educativo Aberto) número 3 -dun total de 9-  elaborado no proxecto cREAgal para a área de Matemáticas de 6º de Educación Primaria.

A situación de aprendizaxe ten como obxectivo principal que o alumnado coñeza, traballe e extrapole á súa vida cotiá os números decimais, así como as fraccións e porcentaxes, asociándoos en todo momento coa vida diaria. O fío condutor do recurso é a cociña, e todo o proceso para a preparación dun bo prato: desde a compra, co seu orzamento, ata a creación de receitas.

Como reto proponse a elaboración en equipo dun receitario, que recollerá os ingredientes e cantidades, tempos de elaboración, dificultades, variacións e orzamentos. Isto facilitará a adquisición dos coñecementos matemáticos precisos de forma manipulativa e vivencial.