Llevando a Galicia hasta el ∞ y + allá

Este é o REA (Recurso Educativo Aberto) número 4 —dun total de 8— elaborado no proxecto cREAgal para a materia de Matemáticas de 3.º de Educación Secundaria Obrigatoria.

A situación de aprendizaxe ten como fío condutor a planificación e execución dunha viaxe á Lúa. Traballando de forma individual e en equipo, explorarás os conceptos de funcións, ecuacións e sistemas de ecuacións, utilizándoos como instrumentos de navegación e cálculo para superar as distintas fases dunha odisea espacial.

A través da resolución de misións críticas, descubrirás como as matemáticas permiten trazar traxectorias precisas e predicir o comportamento de variables no espazo. Aprenderás a modelar situacións reais mediante funcións e a atopar solucións exactas a problemas loxísticos e físicos a través de ecuacións e sistemas. Comprenderás que, na exploración do cosmos, cada variable conta e que o dominio da linguaxe alxébrica é fundamental para garantir o éxito e a seguridade de calquera tripulación.

O reto consiste en deseñar a vosa propia misión espacial, detallando cada unha das súas etapas nun informe técnico exhaustivo. Deberás aplicar os contidos estudados para resolver os desafíos da túa proposta e presentar os resultados mediante un póster científico. Cada equipo defenderá a súa misión ante a clase, demostrando como a análise de funcións e a resolución de sistemas permiten converter o soño de alcanzar outros mundos nunha realidade tecnicamente viable.