Llegar a 100... ¡Malo será!

Este é o REA (Recurso Educativo Aberto) número 5 dun total de 8 elaborado no proxecto cREAgal para a materia de Matemáticas de 3.º de Educación Secundaria Obrigatoria.
A situación de aprendizaxe céntrase nun estudo sobre a lonxevidade en distintas rexións galegas, ofrecendo un percorrido por diversas áreas e situacións relacionadas coas zonas azuis. O alumnado aprenderá contidos estatísticos relacionados con variables aleatorias, os seus gráficos e medidas, a resolver problemas, a solicitar información do Instituto Galego de Estatística (IGE) e a traballar en equipo, á vez que pon en valor a aplicación das matemáticas na toma de datos e a reflexión sobre os resultados obtidos.
O reto consiste na elaboración dun estudo sobre a lonxevidade en diferentes municipios galegos que se entregará á dirección do centro educativo, co obxectivo de conseguir unha posible catalogación como zonas azuis. Ademais, convídase o alumnado a reflexionar sobre a importancia das persoas maiores na súa contorna, transformando os datos en conclusións sobre os hábitos e factores que poden prolongar a vida.