A humanidade en evolución

Unidade didáctica 9 para o módulo 3 do ámbito social da Educación Secundaria de Adultos, na modalidade de educación a distancia semipresencial. Elaborada en eXeLearning.
Esta unidade didáctica, denominada “A humanidade en evolución: dunha economía depredadora ao mundo feudal”, está dividida en tres partes e trata un longo período da historia da humanidade que vai dende a orixe do ser humano, hai máis de dous millóns de anos, ata a fin da Idade Media, ao remate do século XV. Céntrase tamén nas pegadas que, en Galicia e España, deixaron estes feitos históricos.