Estación de traballo 8 - Caso clínico

Este recurso educativo traballa contidos da materia de Bioloxía e Xeoloxía, dirixidos principalmente para o nivel de 3º ESO.

Esta é a última estación de traballo dun conxunto de oito ODE que forman o recurso educativo HospiVital - a saúde e a enfermidade.

Está estruturado como un curso en Moodle, dividido en varias seccións ou temas. Cada tema corresponde a unha estación de traballo dentro do departamento de HospiVital (como microbioloxía, comunicación externa, epidemioloxía, entre outras). En cada estación de traballo inclúese un Obxecto Dixital Educativo (ODE), acompañado doutras actividades en formato H5P, como pasatempos, un glosario ou unha sección para a entrega de tarefas.

Os contidos traballados neste ODE son:

 -Manexo e comprensión de vocabulario científico. 

-Interpretación de información en diferentes formatos (táboas, gráficas, textos), selección, comprensión e conclusións.

-Uso de forma correcta das fontes de información.

- Valoración da contribución dunha figura científica feminina á sociedade.

- Elaboración dunha tarefa final “O corpo fala: escoitando pistas dun caso clínico”.

Nesta estación de traballo, simularán ser un equipo médico que deberá diagnosticar unha enfermidade dun paciente, elaborar un informe clínico para xustificar a súa resposta e preparar unha infografía que deberán expor ante o resto de compañeiros e compañeiras de persoal médico do HospiVital.