Estación de traballo 2 - Microbioloxía
Este recurso educativo traballa contidos da materia de Bioloxía e Xeoloxía, dirixidos principalmente para o nivel de 3º ESO.
Esta é a segunda estación de traballo dun conxunto de oito ODE que forman o recurso educativo HospiVital - a saúde e a enfermidade.
Está estruturado como un curso en Moodle, dividido en varias seccións ou temas. Cada tema corresponde a unha estación de traballo dentro do departamento de HospiVital (como microbioloxía, comunicación externa, epidemioloxía, entre outras). En cada estación de traballo inclúese un Obxecto Dixital Educativo (ODE), acompañado doutras actividades en formato H5P, como pasatempos, un glosario ou unha sección para a entrega de tarefas.
Os contidos traballados neste ODE son:
- Patóxenos celulares e acelulares: identificación, clasificación e descrición.
- Enfermidades infecciosas e a súa clasificación.
- Enfermidades non infecciosas e a súa clasificación.
- Valoración da contribución dunha figuras científicas feminina á sociedade.
- Elaboración dunha tarefa final “O Efecto dos Antibióticos nas Poboacións Bacterianas”.
De forma xenérica, a estrutura dos ODEs deste recurso consta dos seguintes elementos:
-Guías de traballo (Guía didáctica para o/a docente e Manual de uso para o alumnado)
-Obxectivos didácticos e avaliación de coñecementos previos.
-Contidos didácticos con exercicios e actividades, algunhas delas con solucións.
-Contidos de ampliación.
-Exercicios e actividades de reforzo e consolidación.
-Taller de ciencia con solucións. Con actividades que pretenden valorar a importancia das como ferramenta útil no campo da bioloxía.
-Sección de ciencia en feminino, con exemplos para poñer en valor a contribución da ciencia á sociedade e o labor de persoas dedicadas a ela.
-Sección de ferramentas dixitais útiles, con recomendacións de ferramentas dixitais gratuítas e sen rexistro para desenvolver a súa competencia dixital.
-Tarefa puntuable, contextualizada nas diversas seccións do HospiVital, para consolidar os contidos traballados na secuencia.