¡Todo bajo control! Automatizando nuestra aula

Este é o REA (Recurso Educativo Aberto) número 7 -dun total de 7- elaborado no marco do proxecto cREAgal para a materia de Tecnoloxía e Dixitalización de 1º de Educación Secundaria Obrigatoria.

A situación de aprendizaxe que desenvolve está deseñada co fin de introducir aos estudantes na automatización e robótica, partindo do contexto da súa aula, e propoñendo alternativas de automatización que melloren o benestar das persoas usuarias, e supoñan un aforro enerxético.

O reto proposto consiste na elaboración dunha maqueta que permita a automatización dunha variable física da aula que afecta ao benestar (ruído, luz ou temperatura), utilizando unha placa microcontroladora. O reto pode resolverse empregando distintas placas robóticas que podemos ter nos nosos centros educativos (placa Mbot Auriga- do robot Mbot Ranger- e a placa Microbit).