A crise da Baixa Idade Media: cando algo se pode torcer... tórcese

Este é o REA (Recurso Educativo Aberto) número 3 -dun total de 6- elaborado no proxecto cREAgal para a materia de Xeografía e Historia de 2º de Educación Secundaria Obrigatoria.

A situación de aprendizaxe desenvolvida permitirá ao alumnado, a través da investigación histórica, coñecer como se manifestou a crise do século XIV e cales foron os seus impactos sobre a poboación europea (tanto a nivel demográfico como a nivel político, social e cultural). Tamén como os cambios producidos contribuíron a sentar as bases da Idade Moderna e como afectaron estes procesos a Galicia.

No reto proposto, o alumnado, tras estudar as diferentes fontes que se lle proporcionan, desenvolverá a súa pericia xornalística para redactar o mellor artigo histórico na súa revista escolar.