A natureza en xogo

Este é o REA (Recurso Educativo Aberto) número 1 elaborado no proxecto cREAgal para a área de Ciencias da Natureza de 5º de Educación Primaria.

Este recurso foi deseñado para que o alumnado -a partir da elaboración de xogos de mesa- faga un percorrido pola estrutura, as funcións básicas dos seres vivos e as variacións nestas que permiten clasificar a enorme biodiversidade do planeta.

Mediante esta actividade, as nenas e os nenos investigarán sobre os seres vivos, coñecerán que é unha ficha técnica e como se elabora, e tamén traballarán a expresión oral, pois deberán presentar os seus xogos aos compañeiros doutras clases.