¡Cuento contigo!

Este é o REA (Recurso Educativo Aberto) número 4 -dun total de 6- elaborado no marco do proxecto cREAgal para a materia de Lingua Castelá e Literatura de 1º de Educación Secundaria Obrigatoria.

Nesta situación de aprendizaxe o alumnado colaborará para facer do centro educativo un lugar máis inclusivo e respectuoso coa diversidade. A partir da lectura e da análise de textos literarios de distintos xéneros -narrativo, poético e dramático- crearán novos textos narrativos que os reinterpreten para facelos máis inclusivos.

O reto proposto consiste en desenvolver unha sesión de contacontos na que se reciten e interpreten estas novas versións dos contos. Trátase de que o alumnado detecte as discriminacións e a necesidade de xerar unha contorna máis inclusiva en canto ás multiplicidades de maneiras de estar no mundo.