Materia: Benestar emocional na aula

Materia: Física e Química

Descrición: Peza do contido "Visita á central nuclear", formada unicamente polo laboratorio da central (mandos de control), o cal permite, a través da experimentación, comprender o proceso de xeración e distribución da enerxía dunha central a unha cidade, segundo a súa necesidade enerxética.

Tipo de recursos: 

• Simulador de Central Nuclear.

Número de sesións estimadas: 1 sesión.

Aclaracións: 

Materia: Matemáticas

Descrición: Contido audiovisual interactivo baseado en hologramas que permite a visualización en 3D e en movemento de figuras xeométricas, dos seus elementos interiores e da animación dos seus despregues. Acompáñase dunha guía para a creación manual da pirámide holográfica que permite a proxección dos hologramas. Esta pirámide pode construirse de forma sinxela con elementos reciclados.

Tipo de recursos: 

• Visor holográfico.

Número de sesións estimadas: 1.

Materia: Física e Química

Descrición: Contido baseado en dinámicas de Scape Room no que o alumnado terá que resolver enigmas e retos para conseguir saír da central nuclear (PWR) evacuada na que se perdeu.
A través da experimentación, o alumnado comprenderá o proceso de xeración e distribución da enerxía dunha central a unha cidade, segundo a súa necesidade enerxética, e adquirirá ou repasará os coñecementos necesarios para enfrontarse ao reto final: manexar os cadros de control da central nuclear e salvar á cidade do desastre.

Materia: Bioloxía e Xeoloxía

Descrición: Actividade interactiva que permite ao alumnado explorar o sistema dunar e de lagoa mariña de Barra (Ponteceso) movéndose polo espazo, para descubrir como é o seu ecosistema e coñecer as especies que o habitan a través de imaxes 360º e textos explicativos.
Pódese empregar a tableta, o ordenador, o teléfono móbil e incluso lentes 3D para desprazarse polos 17 escenarios diferentes e singulares que conforman esta paisaxe, parecendo que se está alí mesmo.

Tipo de recursos: 

Materia: Bioloxía e Xeoloxía

Descrición: Actividade interactiva que permite ao alumnado realizar un estudo dun espazo natural protexido: o sistema dunar e de lagoa mariña de Barra (Ponteceso) da ría de Corme e Laxe. O contido permite comprender o proceso de mostraxe e culmina coa investigación autónoma do alumnado nun simulador virtual onde replicará a mostraxe que se faría na realidade: identificar especies con claves dicotómicas, calcular a súa porcentaxe de cobertura e recoller os factores físico-químicos do solo para coñecer a súa relación.

Materia: Ciencias Sociais

Descrición: Contido dinámico que introduce a Idade Media a partir da figura do cabaleiro Ruy Paez de Biedma. Combina actividades de investigación e escenarios de Scape Room para dar a coñecer a estrutura social, o estilo de vida dos diferentes estamentos e as partes do castelo nesa época, ao tempo que se traballa o cómic como xénero narrativo.

Tipo de recursos: 

Materia: Ciencias Sociais

Descrición: Contido dinámico que promove a aprendizaxe dos inventos da Idade Media e o seu impacto na actualidade a través de experiencias de investigación e creatividade.
O contido achega inventos tan relevantes como as lentes, a imprenta ou a pólvora e culmina coa creación colectiva dun Catálogo de inventos propios do alumnado e dun recompilatorio de contos sobre ditos inventos. 

Tipo de recursos: 

Materia: Ciencias Sociais

Descrición: Contido dinámico que promove a aprendizaxe da Idade Media e dos seus xogos populares, aos que seguimos xogando hoxe en día, a través de experiencias de investigación e actividades prácticas e lúdicas. O contido culmina coa celebración dun torneo medieval para o que o alumnado construirá os seus propios xogos medievais.

Tipo de recursos: 

• Actividades interactivas.
• Actividades de investigación.

Número de sesións estimadas: 2 ou 3.