Este proxecto propón construír un sistema que permite analizar a calidade da auga mediante un sensor de turbidez, conectado á placa Micro:bit. A turbidez indica a presenza de partículas en suspensión, e serve como parámetro básico para detectar contaminación ou impurezas. O alumnado observará distintas mostras de auga (auga limpa, da billa, da choiva, dun río, etc.), rexistrará os valores e interpretará os datos para reflexionar sobre a importancia da auga potable e a conservación dos ecosistemas acuáticos.

Neste proxecto, o alumnado deseñará e programará un podómetro electrónico utilizando só a placa Micro:bit, aproveitando o seu sensor acelerómetro integrado. O sistema detecta pasos ao interpretar os cambios de aceleración producidos polo movemento ao camiñar e mostra o número de pasos na pantalla LED da Micro:bit. O proxecto permite traballar contidos relacionados coa actividade física, a saúde, a medida, o corpo humano e a tecnoloxía, facendo que o alumnado investigue como funcionan os dispositivos de uso cotián e como poden aplicarse para mellorar os hábitos saudables.

Este proxecto propón construír un medidor de consumo de auga en tempo real, utilizando a placa Micro:bit e un sensor de caudal (flow sensor) conectado a unha tubaxe ou botella adaptada. A través da programación, o sistema permite contar os litros ou mililitros consumidos, mostrando os resultados na pantalla da Micro:bit ou nun dispositivo externo. A actividade promove o coñecemento científico e tecnolóxico do uso da auga, fomenta hábitos de aforro e introduce ao alumnado na medición e análise de variables reais mediante sensores físicos.

Este proxecto propón construír un anemómetro funcional empregando a placa Micro:bit e un sensor de rotación (Keyestudio) para medir a velocidade do vento. Os datos obtidos convértense en valores numéricos (como voltas por segundo ou km/h), que se amosan na pantalla da Micro:bit. A actividade permite traballar contidos de física, meteoroloxía, matemáticas e programación, e está orientada á observación científica do medio natural.

Materia: Benestar emocional na aula

Descrición: Encerado que conta con numerosas ferramentas para debuxar: figuras xeométricas, liñas, frechas, pincel, cadro de texto, inserción de imaxes, goma de borrar etc. O alumnado poderá personalizar o panel de debuxo cambiando a cor de fondo, modificando o formato dos elementos seleccionados e desprazándoos ao lugar de preferencia para realizar composicións creativas, esquemas ou mapas conceptuais.

Tipo de recursos:

Materia: Inglés

Descrición: Contido interactivo que permite ao alumnado crear o seu propio diario de viaxe rexistrando as súas experiencias nas distintas paradas da iniciativa Pasaporte emocional. A narrativa dunha viaxe emocionante e a creación dinámica do diario, que recolle as preferencias de cada persoa no seu deseño (cor, fotografías etc.), motivan ao alumnado a anotar un breve resumo co que se queda de cada destino, contribuíndo así á asimilación do coñecemento adquirido e a súa expresión escrita.  

Materia: Benestar emocional na aula

Descrición: Pílula interactiva que promove a adquisición de rutinas de autocoidado entre o alumnado a través dunha dinámica na que cada estudante elaborará unha lista propia de pequenos regalos que facerse no día a día. Posteriormente e durante unha semana, o alumnado entrará no contido para atopar un regalo diferente e aleatorio da súa lista que terá que desfrutar ao longo do día.

Tipo de recursos: 

Descrición: Vídeo interactivo, baseado na entrevista coral ás expertas en IA Verónica Bolón, Sara Guerreiro e Minia Manteiga, no que o alumnado irá afianzando os seus coñecementos sobre cuestións esenciais sobre a Intelixencia Artificial a través de sinxelas preguntas ao final de cada bloque temático.

Este contido complementa ao de "As entrevistas de UX1A", que incorpora o vídeo lineal (sen preguntas) das expertas con todos os controis habilitados (avance, retroceso, pause, subtítulos etc.) e os vídeos individuais de cada unha delas.

Materia: Intelixencia artificial

Descrición: Entrevistas en vídeo nas que as expertas Verónica Bolón, Sara Guerreiro e Minia Manteiga responden a cuestións esenciais sobre a Intelixencia Artificial como “que é”, “onde a atopamos”, “cales son os seus beneficios e riscos” e “que papel teñen as mulleres na IA”, que permiten achegar esta nova e revolucionaria disciplina ao alumnado.
O contido incorpora un vídeo pregunta-a-pregunta no que as expertas responden a UX1A de forma coral e tres entrevistas individuais.

Materia: Intelixencia artificial