Abdul, Daniela, Breixo e Sabela xa están traballando a tope no programa. A verdade é máis fácil cando atopas un grupo onde cada un sabe ben o que se lle dá ben e o que mellor sabe facer.

Abdul é moi bo coa mesa de son e Daniela redacta xenial, é capaz de atopar as palabras exactas para contar calquera cousa. Tamén é moi divertida e sabe moitas cancións tradicionais do seu país. Breixo é o máis artista, sempre está de bo humor e pensando en facer trasnadas para que non nos aburramos.

Ao final un programa dá moito traballo e aí aparece Breixo co seu humor e a súa creatividade pois é quen de facer que as dúbidas e as nubes negras que ás veces chegan á nosa cabeza desaparezan. 

Abdul, Breixo e Daniela forman parte do equipo de Sabela. No programa cada un deles ten as súas funcións pero colaboran entre eles. O seu lema é “Xuntos sairá!”.

Hoxe teñen unha saída á biblioteca municipal porque lles van ensinar como funciona o sistema de préstamo de libros e de películas. Moitos xa a coñecen pero non saben como pedir un libro ou onde buscar un tema determinado. E tamén hai películas e música. Sabíalo? A que é fantástica! Fíxate ben cando visites unha biblioteca.