IInstrumentos de vento... ou aire?
Uffff! Non hai quen sexa capaz de manter aberto o paraugas con este vento... ou é con este aire? De seguro que en máis dalgunha ocasión experimentáchedes unha dúbida moi común; e ten que ver coa diferenza entre aire e vento. Pois ben, na música acontece algo semellante, pero ides a comprobar que ten fácil solución. Non perdades detalle!
A FAMILIA DE VENTO
Pode resultar un pouco confuso, pero o certo é que todos os instrumentos que forman a familia de vento teñen en común que empregan a forza do aire para producir o son. Pois sí, coñécese como familia de vento pero en realidade poden empregar o aire que botamos soprando dende os pulmóns, ou ben dispor dalgún mecanismo ou aparello que faga este traballo por nós... así non nos quedamos sen respiración! Dentro desta familia tamén podemos atopar unha clasificación sinxela, dependendo do mecanismo que emprega cada instrumento para facer ruido. É unha familia peculiar, e coñeceremos todos os seus membros nun momentiño. Seguide lendo!
VENTO MADEIRA
Os instrumentos de vento madeira presentan unha boquilla, peza que se coloca na boca para poder soprar e enviar o aire dos nosos pulmóns a través de todo o instrumento. A súa característica principal é que precisan dunha fina cana de madeira, tamén coñecida como palleta, que vibra ao pasar por ela o aire producindo o son.
Podemos dicir que o seu timbre adoita ser cálido, delicado e moi melódico, e non se precisa unha gran cantidade de aire para producir o son.
Pero... non vos enganedes! Existen instrumentos fabricados en metal que pertencen á familia de vento madeira, polo simple feito de precisar unha palleta de madeira para funcionar. A continuación podedes ver unha imaxe real dunha boquilla de clarinete, coa cana de madeira na parte de abaixo.
VENTO METAL
Os instrumentos de vento metal tamén presentan unha boquilla para poder soprar, claro, pero está fabricada en metal por completo e ten unha forma redondiña como a que podeder ver na imaxe. O seu timbre sen embargo é potente e brillante, xa que precisamos moita cantidade de aire para producir o son. Como non teñen palleta, o que fan os músicos que os tocan é vibrar os seus propios beizos e transmitir esta vibración ó instrumento. Parece complicado, verdade?
VENTO MECÁNICO
Por último, imos a coñecer os familiares máis especiais; os instrumentos de vento mecánico. Coma son moi vagonetas, empregan aparellos ou mecanismos propios para conseguir producir o aire sen necesidade de soprar. Polo xeral mediante sistemas de foles coma os que tedes na imaxe poden tocar e cantar ao mesmo tempo... todo un choio!
_generalized.png "Fol")
Para dar por resolta esta eterna dúbida entre aire e vento, que tanto sufrimento nos causa, o máis sinxelo sería escribilo directamente, pero un tema tan importante require acudir a máxima autoridade da nosa lingua: a Real Academia Galega. Deseguido déixovos as definicións das dúas palabras para que sexades vós os/as que saquedes as vosas propias conclusións.
Aire: mestura que, constituída por osíxeno, nitróxeno e outros gases amais de vapor de auga, forma a atmosfera da Terra.
Vento: aire atmosférico en movemento.
Temos consenso absoluto dos membros do xurado?