Preme sobre as lupas para ver o que faremos en cada sesión.
Nesta primeira sesión contextualizaremos o tema no marcos dos ODS, explicaremos os retos da secuencia didáctica e aprenderemos as fases nas que se constrúe unha vivenda.
É momento de profundizar nos aspectos chave da arquitetura bioclimática, da que ata agora só coñecéramos xeralidades.
Cando falamos de Bioconstrución falamos, principalmente, de materiais de km 0 e biocompatibles: imos coñecer os máis importantes en Galicia.
Nesta sesión aplicaremos o aprendido sobre construción para identificar esas fases nunha edificación pasiva en Galicia.
Tempo de taller: aprenderemos a traballar co material máis abundante e biocompatible na nosa contorna, que é a arxila.
A nosa competencia dixital vai mellorar a través da manipulación de ferramentas para o estudo fotogramétrico de produtos do taller.
Hora de autoavaliarnos e valorar que criterios de avaliación temos superado.
A bioconstrución ten un impacto directo no benestar dos habitantes dos edificios. Ó usar materiais naturais e non tóxicos, como terra, cal ou madeira, os edificios bioclimáticos melloran a calidade do aire interior, reducen as compoñentes químicas nocivas (como o formaldehído) e promoven espazos máis saudables e confortables.
A arquitectura bioclimática é fundamental para promover a eficiencia enerxética e reducir o consumo de enerxía en edificios. Ó empregar técnicas de deseño que aproveitan a enerxía solar, a ventilación natural e outros recursos, os edificios bioclimáticos poden reducir a dependencia de fontes de enerxía non renovables. Iso contribúe á diminución das emisións de gases de efecto invernadoiro e á descarbonización do sector da edificación.
Exemplo: deseñar edificios mellor illados e que aproveiten a enerxía solar pasiva ou a xeotermia.
A bioconstrución fomenta o uso de materiais locais, naturais e reciclables, o que contribúe á redución da pegada de carbono asociada ó transporte e extracción e minimiza residuos. Este enfoque tamén promove a economía circular, xa que moitos dos materiais utilizados na bioconstrución son biodegradables e reciclables.
Ex.: madeira de bosques certificados ou a terra crúa.
A arquitectura bioclimática axuda a mitigar o cambio climático ó reducir as emisións de gases de efecto invernadoiro. Ademais de optimizar o consumo de enerxía, tamén fomenta a resiliencia dos edificios a fenómenos climáticos extremos, como as ondas de calor ou as tormentas fortes, creando espazos máis adaptados ó cambio climático.
Exemplo: reducir a necesidade de calefacción e aire acondicionado, optimizando o uso da enerxía.
A través da selección de materiais de baixo impacto e a integración de técnicas de construción ecolóxica, a bioconstrución pode axudar a reducir a destrución de ecosistemas e preservar os recursos naturais. Usar materiais como a palla, que é renovable e ten un baixo impacto ambiental, ou madeira de bosques certificados, axuda a evitar a deforestación e a degradación do medio natural.
Imos aprender as diferentes fases da construción dunha vivenda.
Faremos especial atención a dous aspectos:
Estes dous enfoques construtivos axudan a facer vivendas máis sostibles e mellores para a saúde das persoas. A continuación, explicamos como se relacionan cos Obxectivos de Desenvolvemento Sostible (ODS).
Os materiais naturais (como madeira, terra ou cal) non conteñen produtos tóxicos.
Isto mellora o aire dentro da casa e reduce alerxias ou problemas respiratorios.
O resultado son espazos máis saudables e cómodos para vivir.
A arquitectura bioclimática permite aforrar enerxía.
Usa o sol, o vento ou a xeotermia para quentar ou refrescar a vivenda.
Así reducimos o uso de enerxía non renovable e contaminante.
Exemplo: unha casa ben illada que non precisa calefacción nin aire acondicionado.
Na bioconstrución úsanse materiais naturais, locais e reciclables.
Isto reduce a contaminación e os residuos, e favorece a economía local.
Exemplo: madeira de bosques certificados ou terra crúa.
Os edificios bioclimáticos emiten menos gases de efecto invernadoiro.
Ademais, están preparados para resistir mellor fenómenos extremos (ondas de calor, tormentas...).
Exemplo: deseñar casas que non precisen aire acondicionado grazas a unha boa ventilación natural.
Usar materiais naturais evita a destrución de bosques e espazos naturais.
Exemplo: empregar palla ou madeira de orixe controlada e sostible.
Le o parágrafo seguinte e escribe as palabras que faltan.
É esencial estudar o terreo onde imos construír: evidentemente, un edificio non vai ser igual se un terreo linda co mar ou non, se está nunha zona moi elevada ou nunha deprimida; se ten cauces de auga ou elementos topográficos que se non.
Para estudar estes aspectos, recórrese á topografía e á xeotecnia. Son dous oficios con moita saída laboral que podes estudar en ciclos formativos superiores en Galicia.
Consiste en realizar a medición precisa dunha parcela, obtendo a súa superficie real, delimitando a súa localización exacta e indicando a posición doutros moitos elementos como árbores, rochas, postes, conexións, etc.
Lorem ipsum dolor sit amet, consectetur adipiscing elit. Lorem ipsum dolor sit amet, consectetur adipiscing elit.
Unha vez realizada esta medición, a/o arquitecta/o técnica/o realiza o levantamento topográfico, que é a representación en 2D e 3D de todos os datos obtidos na parcela. A/o topógrafa/o utiliza equipos GPS vinculados a través de antenas ou estacións ás coordenadas UTM ETRS89, que é o sistema de referencia xeodésica establecido como obrigatorio en España dende hai algúns anos. Finalmente, todos os datos de coordenadas tomados sobre o terreo xunto cos planos resultantes conforman o informe topográfico, que inclúe:
O estudo do solo ten unha función moi práctica e permitirá coñecer:
Antes de construír unha vivenda, é moi importante estudar o terreo.
Non é o mesmo construír preto do mar que nunha montaña. Tampouco é igual se hai ríos, pendentes ou vales. Todo isto inflúe no tipo de construción que se pode facer.
Para estudar o terreo, utilizamos a topografía e a xeotecnia. Estas dúas profesións teñen moito futuro laboral. En Galicia, pódense estudar en ciclos formativos superiores.
É a medición exacta dun terreo.
Así coñecemos a súa forma real, a súa situación exacta e onde están cousas como árbores, pedras, postes ou conexións de servizos.
Despois da medición, faise o levantamento topográfico. É un debuxo, en dúas ou tres dimensións, con todos os datos recollidos no terreo.
Para iso úsanse aparellos GPS conectados a sistemas de coordenadas oficiais.
Este estudo inclúe:
É un estudo que analiza o solo onde se vai construír.
Permite saber:
Os planos son esquemas onde aparecen, a escala, todos os elementos da vivenda: muros, peches, mobiliario, instalacións eléctricas e de auga... Na próxima unidade veremos ferramentas para facer planos 2D e 3D dixitalmente.
Hai que ter en conta, ó facer un plano, a distribución e funcionalidade dos espazos interiores, o fluxo de movementos de quen habite a vivenda, as fontes de luz natural... Convén valorar a privacidade, confort e tranquilidade dos espazos persoais, evitando ruídos e enfocándoas ó descanso ou traballo que se vaia facer en cada lugar.
Existen diferentes softwares para facer planos, pero os máis habituais son Revit e AutoCAD. Para o ensino temos LibreCAD.
Tras facer a selección de materiais e acabados hai que medir todos os espazos e facer os cálculos do custo total, tendo en conta a previsión de horas de traballo. Para realizar os presupostos empréganse softwares específicos como Presto.
É importante de seleccionar materiais duradeiros, de calidade e esteticamente atractivos, tendo en conta o estilo arquitectónico da vivenda.
Lembrade a importancia de empregar materiais "km 0", é dicir, propios do lugar onde se constrúe: isto abaratará custos e impacto ambiental, e facilitará atopar persoal cualificado para a instalación.
Un plano é un debuxo que representa a vivenda. Fanse a escala, é dicir, en pequeno pero coas medidas reais.
Nos planos aparecen os muros, os mobles, as portas, as ventás, as instalacións de auga e electricidade, etc.
Ao facer un plano, debemos pensar na distribución da casa: como nos movemos dentro, onde entra luz natural, cales son os espazos máis privados ou tranquilos... Todo isto inflúe no confort.
Existen programas informáticos para facer planos. Os máis usados son Revit e AutoCAD. No ensino, usamos LibreCAD.
Unha vez que escollemos os materiais e acabados, hai que medir os espazos e calcular o prezo total da obra.
Hai que ter en conta tamén o número de horas de traballo.
Para facer os orzamentos, utilizamos programas como Presto.
Recoméndase escoller materiais que sexan:
Coloca en orde:
| EXCELENTE | NOTABLE | SUFICIENTE | INSUFICIENTE | MAL | |
|---|---|---|---|---|---|
| Actitude na aula | Escoito, sigo as indicacións e mesmo me separo d@s compañeir@s cando molestan. Pregunto cando non entendo, respondo cando preguntan e mesmo axudo ós/ás compañeir@s se están perdid@s (1) | Escoito e sigo as indicacións. Escoito e pregunto cando non entendo (0.75) | Máis ou menos sigo as indicacións en xeral, pero a veces non o consigo. A veces estou centrad@ na clase e outras estou despistad@ (0,5) | Non me apetece ou non podo estar tranquil@ na aula e comportarme. Raramente participo. (0,25) | Non podo estar na aula, é un sufrimento, e fago por que me boten. (0) |
| Traballo na aula | Leo os contios teóricos e fago todas as actividades, gardando rexistro delas (libreta ou virtual), e presentando evidencia de telas feito (1.5) | Normalmente fago as tarefas, aínda que lin os apuntamento teóricos por riba e non teño gardadas e ordenadas as actividades (1) | Fixen as tarefas por intuición, sen ler moito antes, e enviei evidencia de telas feito, pero non gardei rexistro (0,75) | Fixen algunhas tarefas pero non enviei nin gardo evidencia (0,25) | Non fago as tarefas na aula. (0) |
| Creatividade | Interésame bastante o tema, teño curiosidade e pregunto, amplío información buscando en sitios web ou lendo ou vendo vídeos, traslado á miña vida o que aprendín propoñendo ou pensando en melloras na miña contorna. (1) | Interésame bastante o tema, teño curiosidade e pregunto, amplío información buscando en sitios web ou lendo ou vendo vídeos (0.75) | Interésame algo o tema e doume conta de que o aprendido forma parte da realidade na que vivo (0.5) | Non me interesa moito o tema e non o conecto con nada do que me rodea (0.25) | Nin me enterei de que foi o tema nin me importa (0) |
| Tarefa "Fotogrametría": documentación | Informeime sobre a maqueta que me tocou, averiguando que tipo de cercha contiña e cales eran os materiais illantes escollidos. Lin na ficha as propiedades de cercha e materiais, ampliei a busca na web e redactei un informe con esa información. (1.5) | Informeime sobre a maqueta que me tocou, averiguando que tipo de cercha contiña e cales eran os materiais illantes escollidos. Lin na ficha as propiedades de cercha e materiais e redactei un informe con esa información. (1.2) | A profe díxome que tipo de cercha e materiais illantes tiña a maqueta e redactei con iso un pequeno informe para o vídeo. (1) | A profe díxome que tipo de cercha e materiais illantes tiña a maqueta pero non redactei nada con esa información. (0,75) | Non sei que maqueta era a miña ou non me interesei en absoluto pola súa construción. (0) |
| Tarefa "Fotogrametría": aplicación móbil e edición vídeo | Descarguei a app no móbil, fixen probas, gravei a maqueta coa mellor iluminación posible e finalmente montei o vídeo coa miña explicación, tan completa como puiden, e ben locutada. (1.5) | Descarguei a app no móbil, gravei a maqueta e montei o vídeo coa miña explicación, tan completa como puiden, e ben locutada. (1.2) | Pasáronme a gravación e montei o vídeo coa miña explicación o mellor que souben. (1) | Pasáronme a gravación pero non locutei nada por riba dela. (0,5) | Non entreguei nada. (0) |
| Tarefa "Biomateriais na aula" | Trouxen barro, area e palla, fixen diferentes probas e logrei algún ladrillo sólido. Experimentei coa biocerámica. Deixei limpo o posto de taller e o vertedeiro. (3.5) | Trouxen dous entre barro, area e palla e logrei algún ladrillo sólido. Deixei limpo o posto de taller e o vertedeiro. (2.5) | Non trouxen materiais, pero elaborei algún ladrillo cos materiais do taller. Non reparei en como quedaba o taller. (1.5) | Xoguei cos materiais pero non limpei nada. (0,5) | Non participei. (0) |
Licenciado baixo a Licenza Creative Commons Atribución Compartir igual 4.0
