Mobilidade urbana

As rúas ocupan entre un 15 e un 30% do espazo urbano (ver vídeo Miles de ciudades). Nas cidades, estímase que pasamos unha media de 2h diarias nun medio transporte: é esencial mellorar a calidade dos transportes, facelos menos contaminantes e reducir o tempo que pasamos neles.

A mobilidade intelixente depende do uso efectivo de tecnoloxías como vehículos eléctricos, o Internet das Cousas (IoT) e a Big Data para a recompilación e análise de datos. Estas tecnoloxías permiten unha mellor xestión do tráfico, aparcamento intelixente e, en xeral, unha planificación máis eficiente do transporte público.

Un aspecto crucial da mobilidade urbana no contexto das cidades intelixentes é a accesibilidade. Isto implica non só facilitar o desprazamento físico dentro da cidade, senón tamén garantir que os sistemas de transporte sexan inclusivos e alcanzables para todos os cidadáns, independentemente da súa situación económica ou capacidades físicas. Neste sentido, as solucións de aparcamento intelixente e a creación de carrís bici tamén xogan un papel importante no fomento dunha mobilidade máis sostible e accesible.

Actualmente están a desenvolverse con éxito sistemas de carsharing (ex: Bla Bla Car) e a chamada Mobilidade como Servizo (MaaS), un concepto que integra diferentes formas de transporte público e privado nunha soa plataforma dixital, reducindo a dependencia do automóbil privado.

Finalmente, é prioritario considerar rutas pensadas para o tráfico sen motor: vías peonís e carrís bici SEGUROS deben trazarse ó longo de toda a cidade. É esencial que non existan barreiras arquitectónicas nesas vías: calquera cidadán debe poder circular por elas, sexa cal for a súa mobilidade.

Redes de subministro de enerxía

A enerxía xoga un papel fundamental nas cidades intelixentes, onde se busca optimizar o uso de recursos, mellorar a calidade de vida dos cidadáns e reducir o impacto ambiental. A implementación de sistemas avanzados de xestión enerxética permite ás cidades controlar e reducir o seu consumo enerxético, aproveitando ao máximo as enerxías renovables como a solar e a eólica.

Dentro deste contexto, a eficiencia enerxética emerxe como unha obxectivo clave, con iniciativas que van desde a modernización de infraestruturas ata a implementación de iluminación intelixente en espazos públicos. Ademais, a autoxestión enerxética en edificios e fogares foméntase mediante sistemas de almacenamento enerxético, que optimizan o uso da electricidade xerada por paneis solares. Ademais, elementos como a rede eléctrica intelixente son capaces de adaptarse ás necesidades cambiantes da cidade.

A mobilidade sostible é outro compoñente crucial, co aumento da infraestrutura de recarga para vehículos eléctricos como as electrolineras e os puntos de recarga. Esta tendencia reduce a dependencia de combustibles fósiles e contribúe á diminución de emisións contaminantes, aliñándose coas metas de desenvolvemento sostible.

A transición cara ó uso de fontes de enerxía limpa e renovable é unha cuestión ambiental, pero tamén de política enerxética. As redes eléctricas intelixentes facilitan esta transición ó permitir unha xestión máis eficiente e flexible da subministración e demanda de electricidade, o cal é esencial para integrar na rede a xeración de enerxía solar e eólica.

Xestión de augas

O mantemento das instalacións de subministro de augas, así como a correcta depuración das mesmas, é esencial para a calidade de vida da cidadanía. Nas vilas intelixentes, sistemas Big Data analizan en tempo real o consumo que hai e tense en conta a predición metereolóxica para garantir a eficiencia destes sistemas.

É interesante coñecer como é o sistema de potabilización e depuración das augas residuais, un resumo do cal che deixamos neste esquema:

Telecomunicacións

Por mor de aumentar a calidade de vida da cidadanía, nos últimos vinte anos investiuse moito en crear un tecido de redes eléctricas e telefónicas que forneza acceso rápido e eficaz a internet. Hoxe en día aspiramos a dar un paso máis e lograr integrar a  dixitalización e a intelixencia artificial nestas redes. Estas tecnoloxías permiten a recompilación e análise de grandes cantidades de datos mediante big data, mellorando a toma de decisións e optimizando os recursos dispoñibles. 

Aspectos fundamentais das novas cidades son:

• • Uso das Tecnoloxías da Información e a Comunicación (TIC) para mellorar a interactividade cidadanía-servizos: apps de transporte, de ocupación de aparcadoiros, de dispoñibilidade de recursos en Bibliotecas, sé electrónica… Neste sentido, cómpre facer moita pedagoxía entre a veciñanza, especialmente entre a xente maior, que ten máis dificultades para o acceso e comprensión destes sistemas.
  • Democracia, transparencia e participación: publicación de todas as convocatorias e información de interese na web do concello e outras webs oficiais.
  • Ciencia cidadá: aportación de datos dos cidadáns e cidadás (a partir dos nosos móbiles e os seus medidores, por exemplo) para crear mapas interactivos sobre diversos temas: ocupación de espazos naturais, contaminación, localización de especies naturais na contorna, etc. Nesta web tés uns exemplos das mellores aplicacións actuais.