Google Maps

Servidor de aplicacións de mapas web propiedade de Alphabet Inc. Ofrece imaxes de mapas que se poden desprazar así como fotografías de satélite do mundo.
Google Maps existe offline (Google Earth) e online (a que nós usaremos). Unha vez accedemos ó mapa podemos ampliar e diminuír controlando o zoom co rato ou coas frechas. Podemos tamén escoller diferentes capas de visualización: relevo, tráfico, transporte público...

As coordenadas de Google Maps están no sistema WGS842. Mostran a latitude e lonxitude, positivas para o norte e o leste, negativas para o sur e o oeste. Existen varias formas de obtelas, unha vez localizado o lugar de interese: a máis sinxela e premer co rato no lugar desexado, e aparecerán en pantalla.

Unha vez localizado o punto que buscas, premendo no icono de compartir obterás un enlace directo á localización, ou mesmo a posibilidade de inserir o mapa nun sitio web.

Catastro

O catastro é un rexistro administrativo dependente do Estado no que se describen bens inmobles rústicos, urbanos e de características especiais. O catastro asigna ós inmobles un identificador único e obrigatorio para cada un deles denominado “referencia catastral”.
En España, o catastro é competencia do Ministerio de Facenda, a través da Dirección Xeral do Catastro. A referencia catastral está formada por vinte caracteres alfanuméricos, organizados de distintas formas segundo a parcela sexa urbana ou rústica:

• Nas parcelas urbanas, os 7 primeiros díxitos indican o número de parcela, os 7 seguintes a folla catastral na que se atopa, os 4 seguintes indican a propiedade específica dentro do inmoble e os dous últimos caracteres son caracteres de control (para detectar a posible erro na transcrición).
• Nas parcelas rústicas indícanse a provincia (2 díxitos), o concello (3 díxitos), o sector (unha letra), o polígono (3 díxitos), a parcela (5 díxitos) e a propiedade dentro da parcela (4 díxitos).​

A referencia catastral pódese obter de diferentes fontes, como o recibo do Imposto de Bens Inmobles (IBI). Nós empregaremos a Sé dixital do Catastro, na que se pode localizar calquera inmoble na súa cartografía empregando o buscador (icono lupa):

Información xeográfica de Galicia

Trátase dunha ferramenta completísima que ofrece a Xunta de Galicia na súa web de Catálogo das paisaxes de Galicia. 

A aplicación emprega dous grandes tipos de servizos cartográficos que se cargan “ó voo” dende a Infraestrutura de Datos Espaciais de Galicia (IDEG):

• Mapas de fondo
  • Mapa base vectorial BTG 2020 (cartografía 1:5 000). Organismo: Instituto de Estudos do Territorio (IET). 
  • Ortofotos PNOA (anos 2023, 2020, 2017, 2014, 2010-11, 2008-09, 2004-07…).  Organismos: IET + Instituto Geográfico Nacional.
  • Modelo hipsométrico / sombreado (relevo LiDAR). Organismo: IET. 
• Capas temáticas da paisaxe
  • Grandes áreas paisaxísticas (4 unidades).
  • Comarcas paisaxísticas (61 unidades).
  • Outras capas (áreas de especial interese, unidades do Catálogo, itinerarios, etc.) que poden activarse individualmente.

Trátase de servizos abertos que usan estándares OGC (WMS/WMTS/REST), polo que podes consumilos dende calquera software GIS externo copiando a URL que aparece nos artigos de “Actualidade” do portal IDEG (ex.: servizo WMS de ortofoto PNOA 2023 ou WMTS da BTG 2020).

No menú superior dereito podes seleccionar as capas que vas ver, así como o mapa de fondo.