Luz

Iluminancia: cantidade de enerxía luminosa que incide sobre unha superficie. Para o confort lumínico, a iluminancia debe estar entre os 100-1000 luxes.

Consellos:

1. Substituír luces alto consumo (incandescente e fluorescente) por baixo consumo (LED).
2. Ter un sistema ou equipo de iluminación adecuado a cada tipo de tarefas (cantidade, luz directa-luz tenue).
3. Evitar reflexións molestas (contrastes, deslumbramentos, sombras excesivas...)
4. Manter en bo estado os equipos de iluminación.

Temperatura

A temperatura óptima para o noso confort térmico é de 20ºC. Nela, atopámonos en equilibrio fisioloxico, sen malestar. Para lograla:

1. Cómpre ter sistemas de calefacción que manteñan a temperatura constante, e para isto o mellor é dotalos de control con termostato.
2. A vivenda debe estar ben illada: hai moitos materiais para este obxectivo, algúns de tipo sintético (porexpán, poliestireno extruído) e outros natural (cortiza, lá de ovella, palla, fibra de madeira ou cartón...)
3. Hai sistemas de calefacción máis sustentables cá outros: no rural, a calefacción por pelets pode ser un xeito de aproveitar os recursos do monte. Na cidade pode optarse por caldeiras de gas ou por calefacción. O sistema máis confortable é o de chan radiante.
4. Os radiadores non deben cubrirse con roupa nin obxectos e hai que purgalos con certa regularidade.
5. Evitar correntes de aire.

Humidade

O exceso de humidade é malo para a nosa saúde, pois facilita a aparición de fungos e mofos, e con eles, alerxias e ata cancros. Esto en Galicia é especialmente importante. Considérase que o confort higrotérmico se dá cunha humidade entre o 30-40% en inverno e do 50% no verán.

Para lograr esto, nas nosas construcións hai que ter en conta o seguinte:

1. Estanqueidade da envolvente: evitar filtracións (entrada de auga), tanto de chuvia como do chan ou de deterioro de instalacións.
2. Evitar correntes de aire indesexadas.
3. Para ter unha boa humidade relativa cómpre ter un bo peche (xanelas e portas con doble ou triple capa de vidro), un bo illamento (cortiza, p. ex.) e poden empregarse materiais transpirables: barro, adobe, madeira, palla. 
   En defecto do anterior, debemos combinar calefacción + deshumidificación. Pensa que canto maior sexa a temperatura do aire na vivenda, máis humidade almacena. Un bo truco é ter 20ºC no interior, activar deshumidificador, e ventilar periodicamente.

Espazos

Na nosas vivendas podemos diferenciar entre zonas de día ou de noite, e distinguir tamén entre espazos comúns ou de maior privacidade, contando cada un deles coas súas características:

1. Cada espazo debería ter unha dimensión proporcional ó seu uso habitual… Quen ten o cuarto máis grande da casa? debería ser así?
2. Unha cociña debe ter un bo extractor e espazo para almacenaxe de produtos frescos e conservas. A boa alimentación é chave para a saúde!
3. Os dormitorios deben estar lonxe de fontes de ruído e ter colchóns que propicien un bo descanso.
4. A zona de lecer debe propiciar que a familia poida reunirse e charlar confortablemente… non só ver a tele!
5. Os cuartos húmidos (cociña e baños) deberían situarse próximos entre sí para mellorar a eficiencia das instalacións. 
6. Debe existir unha zona de estudo/traballo con boa iluminación e conectividade eléctrica e de internet. A ergonomía dos mobles é fundamental.
7. Podemos dispoñer dun pequeno taller con ferramentas para arranxar os pequenos electrodomésticos, cambiar lámpadas/enchufes, facer bricolaxe… é imprescindible.
8. Convén dispoñer dun lugar onde practicar deporte: mens sana in corpore sano.

A organización dos espazos do noso fogar vencéllase tamén co xénero e, senón opinas así, trata de responder ás seguintes preguntas:

• Onde se sitúa a cociña da túa casa? 
• Que relación ten coas outras partes da vivenda? Poderías comunicarte cos demais dende a mesma?
• O lavado da roupa: pensa no percorrido dunha prenda dentro da túa vivenda dende que está sucia ata que volve limpa ó armario. Cres que o mesmo é o ideal, ou podería mellorarse?
• E finalmente, pensando na túa familia… quen adoita pasar mais horas neste espazo?
  Outra tarefa asociada ó “traballo reprodutivo” é o lavado da roupa. 

Contaminación

Cada vez se valora máis para a nosa saúde afastarnos das fontes de contaminación. Algúns consellos referidos a isto:

1. A contaminación acústica pode producir elevados estados de estrés e, en consecuencia, enfermidades de todo tipo. Cómpre ter xanelas de dobre vidro e muros exteriores con illamento acústico adecuado (porexpán, cortiza, lá de ovella...)
2. A contaminación lumínica pode evitarse con elementos estruturais (telladiños, ubertas) ou decorativos (estores, contras).
3. A contaminación por gas radon trátase illando do chan con elementos como o Cavity. No seu defecto, e isto é aplicable para todas as contaminacións por gas, é esencial ventilar ben e a diario.