Nesta actividade debes escoller un científico ou científica do grupo A e outro ou outra do grupo B. Ten en conta que algúns forman unha parella de científicos que debes tratar como unha soa elección, xa que están vinculados a un mesmo descubrimento. En todo caso, non tes porque unilos por ese criterio. 

Grupo A: Charles Darwin, Gregor Mendel, Marie Curie, Santiago Ramón y Cajal, Isaac Newton, Robert Koch, Antoine Lavoisier, Alfred Wegener.

Grupo B: Margarita Salas, Severo Ochoa, Lynn Margulis, Watson e Crick, Gallo e Montagnier, Alexander Fleming, Juan Luis Arsuaga, Manuel Elkin Patarroyo.

Instrucións para redactar o artigo:

• Contribución á humanidade: Explica no artigo as achegas principais dunha persoa do grupo A e outra do grupo B, destacando como influíron na historia da ciencia.
• Elementos comúns: Identifica un elemento ou tema que relacione ambas figuras (A e B) para dar coherencia ao texto. Pode ser un ámbito da ciencia, unha metodoloxía ou un impacto común.
• Épocas distintas: Deixa claro que pertencen a épocas diferentes, incorporando exemplos que mostren como o contexto histórico, social ou tecnolóxico influíu nos seus traballos.
• Público xeral: Redacta o artigo cunha linguaxe clara e accesible, para que calquera persoa poida entendelo.
• Extensión: O artigo debe ter entre 3000 e 5000 caracteres (contando espazos).
• Revisión: Antes de entregalo, realiza unha corrección coidadosa para eliminar erros ortográficos e gramaticais.
• Difusión: Comparte o artigo coa túa clase para que os compañeiros poidan deixar opinións argumentadas.
• Redes sociais: Logo de que o teu profesor ou profesora corrixa o artigo, valora a posibilidade de difundilo en redes sociais.

Recomendacións finais:

• Escolle un título atractivo que anime á súa lectura.
• Escribe o artigo pensando no interese do lector, ofrecendo información interesante e relevante.
• Escolle unha imaxe. 
  
  

Abaixo, tes un arquivo con máis recomendacións.