A ciencia feita por ti

Algunha vez tivestes a oportunidade de desenvolver un proxecto de investigación completo?
Sexa cal sexa a resposta, comezar un proxecto e finalizalo vai ser divertido, e o máis importante: mentres desfrutades, estaredes aprendendo moito.
A investigar apréndese investigando. Isto quere dicir que tedes que percorrer o camiño que as persoas que se dedican á ciencia tamén percorren. Non serve de moito a teoría: hai que facelo. Desde formular unha pregunta que queredes responder, ata chegar a conclusións en función das probas obtidas, para finalmente comunicar os resultados á sociedade, son traballos que o voso grupo de investigación fará nas próximas semanas, ou incluso meses.
Coa axuda imprescindible do voso profesor ou da vosa profesora, esta ferramenta vaivos acompañar en todas as etapas desta aventura que é investigar.
Adiante, ánimo e a traballar!
Se queredes, axúdovos.
Luis Fernández