QUEN

Este xesto irá dirixido a un instrumentista en concreto, ou ben a unha sección ou grupo dentro da orquestra, e indicará QUEN é o escollido pola persoa que dirixe para comezar a tocar. Seguido a este xesto, deberán acompañalo as indicacións relativas a "como" facelo, que coñeceredes en adiante. 

No caso de querer escoller a un grupo de persoas, empregaremos o xesto de sinalar (arriba) acompañado doutro xesto no que se detalla cos dedos o número de persoas as que nos referimos cando sinalamos.  No caso de facer este xesto coas dúas mans e sinalar a todo o conxunto entenderase que as ordes que faga o director serán de cumprimento para toda a formación musical.

 Se pola contra, despois de empregar este xesto sinalando a unha persoa que xa está participando e a intención da persoa que dirixe é que deixe de tocar, deberá acompañalo con outro xesto co puño pechado que representa a fin da súa intervención. No caso de empregar este xesto en ámbalas dúas mans toda a orquestra ao completo gardará silencio ata recibir novas indicacións. É o seguinte:

COMO

Unha vez que a persoa que dirixe sinale a un intérprete ou grupo, deberá indicarlle o COMO ten que facelo. Neste senso, poderá pedirnos que toquemos unha nota da escala en concreto, unha ou que fagamos modificacións na intensidade coa que esteamos a tocar (forte ou suave). Imos a comprobalo paseniño!

ALTURA

Como sabedes, a altura e unha calidade do son que nos permite diferenciar se un son é agudo ou grave, e cada nota da escala musical ten a súa altura correspondente, verdade? Pero ollo! Non todos os instrumentos poden variar a súa altura cando tocan, xa que dependendo da súa familia existen algúns que pola súa construción non poden facer notas, senón que soamente tocan ritmos. Por iso, non lle podemos pedir a unha pandeireta que toque a nota "SOL", nin a unhas maracas que fagan unha escala musical! A persoa que dirixe deberá coñecer as posibilidades sonoras de cada instrumento para que poida facer o que lle pide sen problemas. A altura será indicada pola persoa que dirixe coa man dereita, seguindo o código da fononimia que aprendimos na actividade anterior. Por se precisades refrescar a memoria velaquí tedes unha imaxe representativa das notas da escala: 

INTENSIDADE

De novo outra calidade do son, que indicará o seu volume e polo tanto se nos resulta forte o débil. A potencia sonora coa que os músicos deberán tocar será indicado polo/a director/a empregando o código de xestos que teñen que ver coa intensidade, e expresarase coa man esquerda. Os xestos que deberemos empregar soamente teñen que coa orientación e a dirección da palma da nosa man, movéndoa de abaixo a arriba (subir o volume) ou ben de arriba a abaixo (baixar o volume). Detállanse a continuación.