5. Modo de xogo | DEPORTES NA ESCOLA: DATCHBALL

DURACIÓN	Xógase ao mellor de 3 ou 5 partidas. Se é ao mellor de 3 partidas, o partido remata cando un equipo gaña 2 partidas. Se é ao mellor de 5 partidas, o partido remata cando un equipo gaña 3 partidas.
	Unha partida remata cando un equipo queda sen xogadoras/es en cancha.
	Poden acortarse as partidas empregando as liñas branca e vermella: liña branca: aos 4 minutos de xogo; liña vermella: aos 8 minutos de xogo.
COMEZO DO PARTIDO	Cada equipo está detrás da liña branca.
	As 3 pelotas están sobre a liña central.
	A partida comeza á voz de "DATCHBALL". As/os xogadoras/es corren cara ás pelotas e comeza o xogo.
XOGADORES/AS ELIMINADOS/AS	Se a pelota toca a un/ha xogador/a e despois toca a parede ou o chan. Se a pelota toca a dous/dúas xogadores/as e despois toca a parede ou o chan, os/as dous/dúas están eliminados/as.
	Se a pelota roda polo chan e despois toca a un/ha xogador/a.
	Se a pelota bota no chan e despois toca a un/ha xogador/a.
	Se un/ha xogador/a pisa as liñas que delimitan o campo. Se un/ha xogador/a sae do campo. EXCEPCIÓN: Se vai buscar unha pelota que foi fóra.
	Se un/ha xogador/a fai AIRE, quen lanzou a pelota queda eliminado/a.
	Cando un/ha xogador/a é eliminado/a ten que sentarse no banco, en último lugar.
	Cando volve á cancha, ten que ACTIVARSE (tocar parede ou liña branca)

De seguido, presentamos as accións específicas do Datchball.

Preme nas palabras da táboa para escoitar en que consiste cada unha destas accións no Datchball.

AIRE	ACTIVARSE	10 SEGUNDOS	ESCUDO
PÉ	PASAR PELOTA	KAMIKAZE	MORTE SÚBITA