3. O campo de xogo

O campo onde se xoga a Rugby Tag mide, aproximadamente, a metade dun campo de rugby transversalmente.

O típico campo de Rugby Tag mide 70x50 metros, máis 5 metros a cada lado, que é a zona de ensaio.

Non obstante, se o ximnasio ou a instalación na que ides practicar Rugby Tag non ten estas dimensións, asegúrate que se gardan as proporcións, por exemplo 30x18 metros ou 15x9 metros e reduce o número de participantes por equipo.

Fíxate, agora, nos seguintes características do campo:

• O campo está dividido por unha liña central en dúas metades iguais.

• Paralelas á liña central están as liñas de 10 metros, unha en cada metade.

• Hai un punto central na metade da liña central desde onde se realiza o primeiro saque e o saque despois dun gol.

• Hai dúas zonas de ensaio, en cada extremo do campo.

• A profundidade das zonas de ensaio é de 5 metros.

• As liñas de ensaio son as liñas que separan a zona de xogo das zonas de ensaio.

• Al liñas laterais forman parte do campo de xogo.

• Oito obxectos flexibles e brillantes (por exemplo, conos plásticos), marcan as zonas ensaio.