Creamos o noso propio instrumento
- Duración:
- 00:30
- Agrupamento:
- Ilimitado
Agora que xa coñecemos de antemán o que é unha harmónica de cristal, imos construír un instrumento semellante: un xilófono de cristal!
Para levalo a cabo precisaremos os seguintes materiais:
- Seis copas ou vasos de cristal, canto máis fino sexa o vidro mellor!
- Colorante, pintura acrílica ou témpera de diversas cores (vermello / laranxa / amarelo / verde / azul / lila).
- Auga e culler para remexer.
Deseguido atoparedes todas as indicacións necesaria para construír o xilófono de cristal. Imos aló!
PASO 1
Afinamos os vasos
De seguro semella unha tolería afinar un simple vaso non si? O certo é que dependendo da cantidade de auga que teña no interior, cambiará por completo o son que produce. Podedes facer unha pequena proba comparando dous vasos de auga, un case baleiro e outro cheo para notar a diferenza.
Pois ben, o que trataremos de facer neste primeiro chanzo é imitar o son das notas da escala musical calculando a cantidade de auga que precisamos botarlle a cada vaso para que se aproxime o máis posíbel. Empregaremos seis das notas da escala: DO - RE - MI - FA - SOL e LA.
A continuación podedes reproducir o son de cada nota, comezando pola máis grave (o DO), e tentando calcular a cantidade de auga que debemos botar en cada caso. Unha pista! Canta menos auga leve o vaso o son será máis grave, e pola contra a medida que o vamos enchendo de auga o son farase máis agudo. Desta maneira segundo avanzamos nas notas da escala os vasos irán quedando cada vez máis baleiros.
PASO 2
Dámoslle un pouco de cor
Unha vez teñamos os vasos afinados, é momento de empregar o colorante para poder distinguilos e que queden ben bonitos! Cada unha das notas terá a súa propia cor, de maneira que seguiremos o seguinte esquema.
PASO 3
Mollamos os dedos!
Agora que xa temos o noso instrumento agardando, imos a descubrir como podemos sacarlle partido!
Tocar o xilófono de cristal supón algo de paciencia, xa que probablemente as notas tarden un pouquiño en saír... pero é cuestión de insistir!
O primeiro que deberemos facer é mollar os dedos cos que imos a tocar, que serán o índice ou o corazón (escollede o que máis vos guste). Podemos empregar a auga do propio vaso para facelo sen problema.
O seguinte paso é empregar a xema do dedo para acariciar o borde do vaso en movementos circulares. Facédeo con tino, xa que o importante é notar a vibración que se produce e que pouco a pouco irá crecendo ata formar o son.
Unha vez o teñades dominado podedes probar a facer fermosas e misteriosas melodías empregando toda a colección de vasos!