O ritmo das mans
Como o prometido é débeda, agora toca crear a nosa propia coreografía empregando soamente percusión corporal.
Atoparedes a continuación un vídeo interactivo, no que aparecen todas as indicacións para poder avanzar polas diferentes plataformas e aprender a coreografía pouco a pouco. Iso si, prestade atención para responder correctamente as preguntas que se van sucedendo!
Antes de comezar, precisaremos ter en conta alguhas cuestións:
- Para elaborar a coreografía empregaremos as nosas mans, polo que é recomendábel situarse nun lugar onde poidamos traballar sentados e percutir ao mesmo tempo, como unha cadeira con pala ou pupitre de forma individual.
- O ideal é proxectar o vídeo nunha pantalla ou PDI, xa que deste xeito será máis sinxelo apreciar os movementos a seguir.
- Traballaremos en gran grupo, e aínda que a coreografía está deseñada para ser interpretada por dous equipos nunha dinámica de pregunta e resposta, tamén se pode levar a práctica individualmente.
Sen máis preámbulos... velaquí tedes o vídeo!
O instrumento de percusión que empregarei no vídeo chámase caixón flamenco, e pertence a familia de percusión de altura indeterminada, xa que debido a súa construcción non podemos interpretar notas, soamente ritmos. A pesar de ser coñecido especialmente por este xénero, o flamenco, o certo é que é un instrumento moi usado en multitude de estilos tan diversos como o jazz, a música country ou o pop.
