Rawpixel (Freepik). Arte creativo doodle vector concepto de artista de bricolaje (CC BY)

"Seven Jumps", ou tamén coñecida como "A Danza dos Sete Saltos" é unha obra popular orixinaria de Dinamarca, aínda que tamén moi bailada no norte da nosa península. Como o seu nome indica, a súa estrutura vai a estar marcada por estes pequenos "saltos" que iremos atopando no camiño. A vosa misión será descifrar a estrutura desta peza, e para iso empregaremos un MUSICOGRAMA, que como xa sabedes, consiste en asociar cada unha das partes musicais cun símbolo ou imaxe que iremos completando a medida que escoitemos a canción.

Desta forma, o noso debuxo avanzará en función do camiño que determine a música, e cando remate o son o que teremos diante será a súa estrutura por arte de maxia! Para realizar a actividade precisamos os seguintes materiais:

• Folla en branco e lapis ou cores (no caso de facer o debuxo a man)
• Un programa informático para debuxar ou unha PDI (no caso de facer o debuxo en formato dixital)

E agora si, sen máis dilación, podedes reproducir a canción mentres confeccionades a vosa obra de arte!

E como non podía ser doutra maneira, imos a rematar esta unidade didáctica movéndonos un pouquiño! Aproveitaremos que estamos traballando sobre esta danza tan divertida para aprender a súa coreografía. A "Danza dos sete saltos" (Dinamarca), pertence a unha afamada colección de Danzas do Mundo, un recopilatorio no que se recollen gran variedade de bailes de culturas diversas. Se vos quedades con ganas de máis, podedes botarlle un ollo a outras danzas facendo clic AQUÍ.

Para coñecer as indicacións da coreografía deberemos ler o seguinte documento, onde se explica polo miúdo cales son os pasos que temos que seguir.

Tamén podedes ollar un vídeo sobre este baile realizado no Curso de Inés Fernández Medina (Escola Oficial de Tempo Libre, Santander 2011) no que se amosan todos os pasos necesarios para bailar esta danza tan fermosa. Moito ánimo!