Unha vez que temos creada a interface da aplicación, a programación como tal ímola realizar co Editor de Bloques. Cos bloques controlamos o comportamento dos obxectos deseñados. Cada compoñente ten asociado un conxunto de bloques propios que se poden complementar con bloques de uso xeral.
Para acceder aos bloques prememos no botón Bloques, como indica a imaxe. Premendo ademais na imaxe, podemos ver o menú bloques cos diferentes tipos de Bloques que temos.
Tipos de Bloques
Os bloques en App Inventor agrúpanse nas seguintes categorías. (Premer)
Estes Bloques de Control permiten controlar o que ocorrerá na pantalla da nosa aplicación, os fluxos condicionais e os de repetición
Os bloques de Lóxica empréganse para comprobar condicións lóxicas. Estas condicións poderán ser verdadeiras ou falsas.
Cos bloques de Matemáticas podemos introducir elementos de operacións matemáticas no programa.
Os bloques de texto permiten realizar operación con cadeas de texto.
As listas empréganse para almacenar diferentes valores nunha mesma variable.
Os bloques de cor utilízanse para mellorar o aspecto das interfaces das aplicacións que creemos mediante a escolla de cores de fondo, texto, etc.
As variables decláranse ao establecer o seu valor por primeira vez. Ás variables podemos asignarlle calquera bloque que encaixe.
Os bloques de procedementos permiten concatenar varias accións ao activar un detonante: premer un botón, período de tempo especificado,…
Seguindo co exemplo do que deseñamos a interface, procedemos agora a programar tal e como detalla o vídeo.
O seguinte vídeo axuda a comprender o funcionamento do Editor de Bloques de App Inventor.
A propia páxina de MIT App Inventor explica cada categoría de bloques e, un a un, para que se empregan.
Acceso á páxina Web App Inventor Built-in Blocks de Massachusetts Institute of Technology: http://appinventor.mit.edu/explore/ai2/support/blocks.html
Licenciado baixo a Licenza Creative Commons Recoñecemento Compartir igual 4.0