Existe unha gran cantidade de materiais dispoñibles para abordar calquera fabricación, neste caso á da sonda MarumaSat. A elección dun ou outro tipo vai depender das súas propiedades, é son precisamente estas as que nos permiten establecer un dos criterios de clasificación dos materiais. Outro que podemos empregar, fai referencia á súa orixe.

Aprende

Os obxectos tecnolóxicos están fabricados cunha gran variedade de materiais que podemos clasificar de diferentes formas:

Segundo a súa ORIXE

A lá, o algodón, o petróleo, a madeira, a area, as rochas ou os minerais, son materias primas ou materiais naturais, xa que se atopan na natureza. Poden ter orixe animal, vexetal ou mineral.


BladeShearing.Cstaffa.Wikipedia.CC BY-SA 3.0	Petróleo.Iván Samano.Wikipedia.CC BY-SA 4.0	Pxhere. CC0 1.0.	Mónica Stawowy. Pxhere. CC0 1.0.

Estas, unha vez extraídas, poden transformarse mediante procesos físicos e químicos en materiais sintéticos ou transformados. Así por exemplo, metais como o ferro, o aluminio ou o cobre obtéñense a partires de diferentes minerais; os plásticos a partires de derivados do petróleo; e o papel e o cartón fabrícanse empregando a fibra de celulosa que se obtén da madeira.

Segundo as súas PROPIEDADES

Se temos en conta as súas propiedades, podemos clasificar os materiais en seis tipos, cada un dos cales agrupa a aqueles materiais que teñen propiedades similares: madeiras, metais, plásticos, téxtiles, pétreos, e cerámicas/vidros.

En ocasións, necesitamos combinar as propiedades de varios tipos de materiais nun só, para o cal se crean os materiais compostos. Un exemplo deste tipo de materiais é o tetrabrick, formado por capas de material plástico (polietileno), cartón e aluminio. O cartón proporciona rixidez ao envase, o plástico faino estanco (impide fugas de líquido) e o aluminio protexe aos alimentos da luz e o aire.

TBA packaging components. KVDP. Commons Wikimedia. CC0 1.0