O lapis deixa marcas moi débiles sobre o aluminio da manta térmica, por iso escóllese o rotulador permanente.

O escuadro de carpinteiro é necesario para que os cortes sexan perpendiculares aos bordes da manta.

A regra metálica emprégase para prolongar as liñas cando é necesario.

O flexómetro permite medir, pero non prolongar as liñas, xa que é flexible.

A manta térmica é un material demasiado brando e flexible para ser usado coa segueta, a serra de arco ou a tesoira de chapa.

As ferramentas adecuadas son a tesoira de electricista, se tes bo pulso, ou  cúter, en cuxo caso debemos empregar tamén a regra metálica para que os cortes queden rectos.

Os buratos que temos que tradear teñen pouco diámetro e os materiais que forman a caixa de porexpan e a manta térmica son moi brandos polo que non é necesario empregar o trade portátil nin o de columna con brocas ou coroas. A barrena de man é a ferramenta máis adecuada para este traballo.

A situación da ventana, no medio dunha das caras da caixa de porexpan, e o grosor das súas paredes fai que non poidamos empregar nin as tesoiras de electricista, nin as serras de arco ou a segueta. A ferramenta máis adecuada para este traballo é o cúter.

As tesoiras de metal descártanse pola propia naturaleza do material. 

A serra de costela non é adecuada para facer este corte, xa que o plástico pode derreterse, e a segueta tampouco, por estar destinada a materiais máis brandos que este.

Se queremos facer un corte recto, como é o caso, o cúter xunto coa regra metálica, son ferramentas válidas sempre e cando o espesor da lámina non sexa superior a 3 mm. Para facer este corte debemos pasar o cúter varias veces pola zona que queremos cortar ata que quede ben marcada, suxeitar firmemente e dobrar, desta forma conséguese que a lámina rompa pola zona marcada de forma limpa.

Tamén podemos empregar a serra de arco destinada a cortes en materiais metálicos e a serra de calar cunha folla axeitada para plásticos.

O aparafusador e as chaves fixas empréganse con parafusos e porcas e estes non poden apertarse contra as paredes de porexpan da caixa, porque é un material demasiado brando e se introducirían nel sen facer a forza necesaria para a unión.

Tampouco serve o soldador de estaño, só válido para o uso con metais, nin a pistola termoencoladora debido a que as altas temperaturas necesarias para derreter o adhesivo funden o porexpan.

Para pegar o porexpan con calquera outro material é necesario un adhesivo específico, xa que outros reaccionan con este material facendo que se desfaga.