Tanto en España como en Galicia, podemos afirmar que existen poucas publicacións periódicas (revistas) dirixidas a nenos e nenas menores de seis anos, se o comparamos con países como Francia ou Bélxica. As revistas crean lectores, e dado que son asequibles, promoven o seguimento por parte deles. introdúcenos na narrativa, na poesía, na banda deseñada, no humor gráfico, e permiten educar o seu gusto estético ao teren a posibilidade de coñecer e observar distintos estilos de ilustracións.

En Galicia publicáronse dúas revistas con gran popularidade: Golfiño e Sapoconcho. Golfiño, que pasou da propiedade de Edicións Xerais de Galicia á de La Voz de Galicia, aglutinou a gran parte dos ilustradores e ilustradoras galegos, así como a guionistas, narradores, poetas, cineastas, expertos en arte, e moitos máis profesionais do mundo da creación. Contaba con entrevistas, pasatempos, propostas para escolas, e un longo número de posibilidades.

Sapoconcho naceu no Museo do Humor de fene, da man do debuxante e humorista gráfico Xaquín Marín, director do mesmo. Tamén nesta revista se deron cita importantes debuxantes de Galicia e outros territorios.

podemos destacar fóra de Galicia propostas como a de Míster K, de El Jueves, con debuxantes de toda España, e con predominio do humor e da banda deseñada.

A nivel europeo, Pomme D'Apí, interesante porque se abre a un público máis novo, que se inicia na lectura (textual e de imaxe)

ABECEDARIOS E SILABARIOS RIMAS, CONTINAS, CANCIÓNS E SILABARIOS CONTOS CONTEMPORÁNEOS ADAPTACIÓNS DE CONTOS POPULARES ADAPTACIÓNS NON TRADICIONAIS

LIBROS MUDOS POP-UPS DOCUMENTAIS CADERNOS DE ACTIVIDADES DICIONARIOS VISUAIS LIBROS DE IMAXES GADGETS PROMOCIONAIS PUBLICACIÓNS PERIÓDICAS