INTRODUCCIÓN. 

    ¿Queres repasar a Formulación Orgánica? Esta web vaiche axudar. Xa que presenta os principais tipos de compostos orgánicos e como se formulan conforme á normativa da IUPAC. 

    Para cada tipo de compostos tes unha breve explicación e algúns exemplos. Os gifs animados pretenden indicarche o camiño para dar cos nomes ou coas fórmulas dos compostos. Tamén tes exercicios onde poñer a proba o que vas aprendendo. Son exercicios tipo test. O botón "Corrixir" avalía os exercicios e che indica cal era a opción que debías elixir, e o botón "Borrar" permíteche repetir o exercicio se o cres conveniente.

    En "Moléculas en bolas" poderás disfrutar observando modelos en 3D. Non cho perdas.

    Nos exercicios finais poderás atopar os compostos que foron saíndo nas PAAU nos derradeiros anos.

    Ó final tes unha Táboa Periódica actualizada e con moitos datos de cada un dos elementos químicos.

    Espero que che sexa de grande axuda.

    Para resolver calquera dúbida que poidas ter envíame un correo a:

          jose.carlos.alonso@edu.xunta.es

Carlos Alonso (Profesor de Física e Química do I.E.S. Ricardo Mella de Vigo)