Esta situación de aprendizaxe ten como obxectivo principal que o alumnado de 6º de primaria coñeza, traballe e extrapole á súa vida cotiá as potencias e raíces cadradas, de forma manipulativa e vivencial, asociándoos en todo momento coa vida diaria.

Partindo do deseño da programación dunha acampada, organizaranse desde as tendas de campaña ata o menú semanal.

Ao longo das cinco fases do REA trabállanse actividades en distintos formatos para que sexan accesibles a todo o alumnado, tendo en conta en todo momento o deseño universal de aprendizaxe (DUA).