Criterios de avaliación e mínimos de consecución
Deseguido, móstrase a distribución de criterios de avaliación, mínimo de consecución, tipo de instrumento e o peso (%) que para cada unha das unidades se corresponden na proposta de PROENS e que se traballan nesta situación de aprendizaxe.
Neste caso, ao abordar dúas unidades no REA proposto, débese revisar e comprobar, coa vosa programación, o peso final na avaliación que se terá en conta.
| Códigos CA: descrición dos criterios de avaliación | Mínimos de consecución | Instrumentos de avaliación | Unidade didáctica (Proens) | % (Orientación de Proens) |
|---|---|---|---|---|
| CA1.6: Convivir mostrando no contexto das prácticas motrices habilidades sociais, diálogo na resolución de conflitos e respecto ante a diversidade, xa sexa de xénero, afectivo-sexual, cultural, de orixe nacional, étnica, socioeconómica ou de competencia motriz, e mostrando unha actitude crítica e un compromiso activo fronte aos estereotipos, ás actuacións discriminatorias e á violencia, con especial fincapé no fomento da igualdade de xénero. | Convivir mostrando no contexto das prácticas motrices habilidades sociais, diálogo na resolución de conflitos e respecto ante a diversidade. | TI | Unidade 7: Deportes Paratodos | 10% |
| CA2.2: Integrar os procesos de activación corporal, dosificación do esforzo, relaxación e hixiene na práctica de actividades motrices, interiorizando as rutinas propias dunha práctica motriz saudable e responsable. | Integrar os procesos de activación corporal, dosificación do esforzo, relaxación e hixiene na práctica de actividades motrices. | TI | Unidade 8: A contorna | 15% |
| CA3.1: Desenvolver proxectos motores de carácter individual, cooperativo ou colaborativo, definindo metas, secuenciando accións, introducindo se é preciso cambios durante o proceso, xerando producións motrices de calidade e valorando o grao de axuste ao proceso seguido e ao resultado obtido. | Desenvolver proxectos motores de carácter individual, cooperativo ou colaborativo xerando producións motrices de calidade. | TI | Unidade 7: Deportes Paratodos | 15% |
| CA3.2: Aplicar principios básicos de decisións en situacións lúdicas, xogos modificados e actividades deportivas a partir da anticipación, axustándoos ás demandas derivadas dos obxectivos motores e á lóxica interna de situacións individuais, de cooperación, de oposición e de colaboración-oposición, en contextos reais ou en simulados de actuación. | Aplicar principios básicos de decisións en situacións lúdicas, xogos modificados e actividades deportivas. | TI | Unidade 7: Deportes Paratodos | 15% |
| CA3.3: Adquirir un progresivo control e dominio corporal, empregando os compoñentes cualitativos e cuantitativos da motricidade de maneira eficiente e creativa, e facendo fronte ás demandas de resolución de problemas en situacións motrices diversas transferibles ao seu espazo vivencial. | Adquirir un progresivo control e dominio corporal, empregando os compoñentes cualitativos e cuantitativos da motricidade de maneira eficiente e creativa. | TI | Unidade 7: Deportes Paratodos | 15% |
| CA3.5: Adaptar as accións motrices á incerteza propia do medio natural e urbano en contextos terrestres ou acuáticos de forma eficiente e segura, valorando as súas posibilidades para a práctica de actividade física e actuando desde unha perspectiva ecosostible da contorna e comunitaria. | Adaptar as accións motrices á incerteza propia do medio natural e urbano de forma eficiente, segura e ecosostible. | TI | Unidade 8: A contorna | 20% |
| CA4.1: Identificar e abordar condutas vinculadas ao ámbito corporal, á actividade física e ao deporte que afecten negativamente a saúde e a convivencia, adoptando posturas de rexeitamento á violencia, á discriminación e aos estereotipos de xénero e evitando activamente a súa reprodución. | Identificar e abordar condutas vinculadas ao ámbito corporal, á actividade física e ao deporte que afecten negativamente a saúde e a convivencia. | TI | Unidade 7: Deportes Paratodos | 15% |
| CA4.3: Participar en actividades de carácter motor desde a autorregulación da súa actuación, con predisposición, esforzo, perseveranza e mentalidade de crecemento, actuando reflexivamente, xestionando as emocións e expresándoas de forma asertiva. | Participar en actividades de carácter motor desde a autorregulación da súa actuación. | TI | Unidade 7: Deportes Paratodos | 10% |
| CA5.4: Convivir mostrando no contexto das prácticas motrices habilidades sociais, diálogo na resolución de conflitos e respecto ante a diversidade, xa sexa de xénero, afectivo-sexual, cultural, de orixe nacional, étnica, socioeconómica ou de competencia motriz, e mostrando unha actitude crítica e un compromiso activo fronte aos estereotipos, ás actuacións discriminatorias e á violencia, con especial fincapé no fomento da igualdade de xénero. | Convivir mostrando no contexto das prácticas motrices habilidades sociais, diálogo na resolución de conflitos e respecto ante a diversidade. | TI | Unidade 7: Deportes Paratodos | 10% |
| CA5.6: Valorar o deporte como fenómeno cultural analizando criticamente os estereotipos de xénero e os comportamentos sexistas que ás veces suceden no seu contexto, rexeitándoos e adoptando actitudes que eviten a súa reprodución no futuro. | Valorar o deporte como fenómeno cultural analizando criticamente os estereotipos de xénero e os comportamentos sexistas. | TI | Unidade 7: Deportes Paratodos | 10% |
| CA6.1: Recoñecer os efectos beneficiosos desde o punto de vista físico, mental e social da actividade física, como paso previo para a súa integración na vida diaria. | Recoñecer os efectos beneficiosos desde o punto de vista físico, mental e social da actividade física. | TI | Unidade 8: A contorna | 15% |
| CA6.3: Adoptar medidas de seguridade antes, durante e despois da práctica de actividade física, recoñecendo os contextos de risco e actuando con precaución ante eles. | Adquirir un progresivo control e dominio corporal, empregando os compoñentes cualitativos e cuantitativos da motricidade de maneira eficiente e creativa. | TI | Unidade 8: A contorna | 15% |
| CA6.4: Aplicar principios básicos de decisións en situacións lúdicas, xogos modificados e actividades deportivas a partir da anticipación, axustándoos ás demandas derivadas dos obxectivos motores e á lóxica interna de situacións individuais, de cooperación, de oposición e de colaboración-oposición, en contextos reais ou simulados de actuación, e reflexionando sobre as solucións obtidas. | Aplicar principios básicos de decisións en situacións lúdicas, xogos modificados e actividades deportivas. | TI | Unidade 8: A contorna | 15% |
| CA6.5: Adaptar as accións motrices á incerteza propia do medio natural e urbano en contextos terrestres ou acuáticos de forma eficiente e segura, valorando as súas posibilidades para a práctica de actividade física e actuando desde unha perspectiva ecosostible da contorna e comunitaria. | Adaptar as accións motrices á incerteza propia do medio natural e urbano de forma eficiente, segura e ecosostible. | TI | Unidade 8: A contorna | 20% |
| Lenda: %: Peso orientativo (o profesorado debe axustalo á súa programación); PE: Proba escrita, TI: Táboa de indicadores | ||||