Recursos materiais necesarios

• Equipo Informático: Para o seguimento  deste REA é preciso contar cun equipo con conexión a Internet por cada dous estudantes, aínda que é recomendable ter un equipo por persoa. O software demandado é de carácter libre e está instalado nos equipos Abalar da Consellería ou vía online:
  •  Kit de construción de circuítos  eléctricos de PHET (Universidad de Colorado) Creative Commons Attribution 4.0 license (CC BY 4.0):  Versión en castelán  aloxada no  banco de recursos  cREAgal (https://www.edu.xunta.gal/centros/creagal/pluginfile.php/3009/mod_resource/content/1/circuit-construction-kit-dc_es.html), que permite construír circuítos eléctricos sinxelos.
  • Simulador de electricidade e electrónica de TINKERCAD.  Permite realizar circuítos eléctricos  mais complexos. Recoméndase a creación e  uso  dunha conta educativa para o docente e a posterior creación de contas con datos non identificativos para o alumnado do xeito que se explica no seguinte vídeo:

• Aula-taller: é moi recomendable ter dispoñible unha aula-taller, como a dotada para o departamento de tecnoloxía, para realizar a  fase de construción da maqueta.
• Materiais e ferramentas: precisarán como material principal cartón (preferiblemente de refugallo e de dúas capas), regra, lapis, pegamento,  placas protoboard, cables de conexións, pilas, motores de corrente continua con voltaxe de funcionamento: 1.5-9V. , fío de cobre esmaltado de diámetro 0,6 mm, imáns de neodimio.

Proposta de agrupamentos para actividades grupais

Neste REA propóñense actividades individuais e grupais, considerando as seguintes premisas:

Recoméndase a creación de grupos de 3-5 alumnos/as. Logo, terán que expoñer o seu resultado ao resto de compañeiras/os.
O groso do traballo realízase en  actividades grupais onde se pretende que o alumnado traballe de forma cooperativa e colaborativa. Con isto, preténdese que aprendan a coordinarse na realización de tarefas e aumenten a súa autonomía persoal. Búscase que os grupos sexan diversos e heteroxéneos, na procura do traballo en equipo, para que o alumnado aprenda a tomar decisións e accións conxuntamente, promovendo a “democracia de grupo”. Para iso, recoméndase ao profesorado que implemente este REA na súa aula considerando as seguintes pautas:

•  Organizar ó  alumnado  en función das súas diferentes capacidades, para crear equipos nos que cada un pon o seu gran de area, dende os máis proactivos, líderes, organizativos aos máis pasivos, non colaborativos, etc.
•  Asignar a cada alumno/a unha función no grupo na que amose as súas capacidades (consignar na memoria técnica).
•  Crear un clima de traballo positivo e participativo, poñendo en valor os progresos e aconsellando nas dificultades.

 Tamén existen actividades individuais (multinivel)  que procuran adaptarse a diferentes estilos ou ritmos de aprendizaxe.

Produtos finais

O produto final deste REA é construír unha maqueta sinxela na que se inclúan innovacións, con circuítos eléctricos e electrónicos, que axuden a conseguir un futuro más sosible.

Os requisitos do proxecto son:

• Realizar un prototipo que poida almacenarse nunha caixa de folios estándar (30 cm x 22 cm x 11 cm).
• Instalar vas innovacións nunha maqueta sinxela que simule un parque ou calquera outro entorno en calquera outro entorno.
• Construír un xerador de electricidade que funcione con enerxía renovable e que sexa capaz de encender un LED.
• Construír polo menos un circuíto electrónico que axude a sostibilidade. O alumnado pode elixir algunha destas opcións:
     a) Un circuíto que axude a optimizar o consumo de auga mediante un sensor que detecte humidade nun terreno regable.
     b) Un circuíto que detecte cando é de noite e accione automaticamente o alumado urbano.
     c) Calquera outro circuíto electrónico que axude a conseguir un futuro máis sostible.

Enfoque multinivel do reto

O reto pode abordarse desde diferentes niveis de dificultade xa que se propoñen diferentes alternativas na realización das tarefas que ten que levar a cabo o alumnado para a consecución do reto proposto.

Por exemplo o alumnado pode elixir o tipo de xerador que vai construír (no REA propóñense 3 alternativas diferentes), tamén poden elixir o tipo de circuíto electrónico, ou incluso pode, se así o desexa, montar máis de un circuíto que axude a conseguir un futuro máis sostible. Por outra banda, os circuítos que se propoñen no REA se describen con dous niveis diferentes de dificultade.