Recursos necesarios

Para empregar este REA será necesario contar cun ordenador con conexión a Internet para cada estudante, tanto para o traballo individual como grupal. Empregaráse para visualizar o REA, realizar investigacións, obter o modelo de IA, programar a aplicación intelixente e documentar o progreso do proxecto e das aprendizaxes.

O software demandado é de carácter libre e está instalado nos equipos Abalar da Consellería ou dispoñible en liña. 

Non é necesario poseer ningunha conta para poder acceder e traballar coa plataforma LearningML. Si se traballa con a aplicación en liña, o único requisito é ter acceso a Internet.

Produto final

O produto final do REA "BienestarIA" é un asistente intelixente que trate dun tema relacionado coa saúde e o benestar do centro educativo. Os diferentes membros de cada grupo cubrirán os diferentes espazos do centro educativo.

Para o anterior entregarase un cartafol por cada integrante co seguinte contido:

• Modelo de IA adestrado en LearningML (ficheiro .json).
• Proxecto de Scratch onde se usa ese modelo (ficheiro .sb3).
• Texto que explique de forma clara (ficheiro .pdf):
  • Para que sirve o asistente.
  • Que entradas recoñece.
  • Como debe usarse.

Agrupamentos

Recoméndase que sexa o profesorado quen organice os estudantes en grupos de 4 alumnos/as, da maneira mais heteroxénea posible e tendo en conta as seguintes pautas:

• Agrupar ao alumnado con diferentes capacidades, para crear equipos nos que se inclúan tanto estudantes máis proactivos, líderes e organizativos como  alumnado máis pasivo e menos colaborativo, etc.

• Asignar a cada alumno/a una zona do centro educativo. Como exemplo se propoñen as seguintes zonas: cafetería, saída do centro, aulas (temáticas y/ou xerais) e espazos comúns (corredores, patios, baños...)
• É importante axudar ao alumnado a escoller o tipo de datos e o tema mais axeitado ás súas capacidades e coñecementos.
• Crear un clima de traballo positivo e participativo, poñendo en valor os progresos e motivando nas dificultades.

Durante o REA intercalaranse actividades individuais nas que o alumnado deberá adestrarse para a posterior realización do reto. Estas actividades están organizadas e secuenciadas atendendo á diversidade do alumnado.

Enfoque multinivel do reto

Contémplanse diferentes camiños para acadar o reto. Así:

• Os datos para adestar a IA poden ser imaxes ou texto. 
• Os programas de Scratch poden ter diferentes estruturas e incorporar funcións variadas. 

Tendo en conta as dúas reflexións anteriores, recoméndase ao profesorado prestar especial atención á escolla dos tipos de datos a introducir, á temática a tratar por cada grupo e á complexidade da programación de cada solución.

Desenvolvemento da Competencia Dixital do alumnado

Todas as actividades do REA están pensadas para realizarse en formato dixital.

O alumnado ten un diario de aprendizaxe que pode cubrir de forma dixital, de xeito que vaia reflexionando sobre o proceso, aínda que se dispón dunha copia en formato PDF.

Cumprir co reto final posibilita aprender ou afianzar o emprego de ferramentas para a programación, o deseño, a edición e presentación de contidos dixitais, etc.