O presente REA (Recuso Educativo Aberto) vai dirixido ao alumnado da materia de Xeografía e Historia de 2º da ESO. Os contidos do REA recollen os das unidades 8 (Renacemento e Reforma) e 9 (O século do Barroco) da proposta de programación recollida en PROENS. Para lograr os obxectivos e acadar as competencias necesarias, o REA formula un reto no que o alumnado deberá empregar todos os coñecementos adquiridos durante as fases anteriores do recurso. Así, a través dos textos contidos no REA como do material descargable, o alumnado coñecerá todos os cambios políticos, económicos, sociais, científicos e artísticos que se produciron a partir do Humanismo e que lle axudaran a ter un amplo coñecemento desa época.

Como reto final deberá elaborar unha serie de materiais, usando diferentes ferramentas, que lle axudará a adquirir unha serie de competencias de cara a analizar e expresar as características máis salientables dese período histórico, ademais de desmentir moitos das trolas ou loiadas que na actualidade cuestionan algúns dos coñecementos científicos xurdidos neses séculos.