O REA "El tiempo en tu mochila" fai un percorrido polos principais coñecementos dos sentidos estocástico e socioafectivo que corresponden ao curso de 2.º da ESO.

O fío condutor é a elaboración dun estudo estatístico de algunhas variables do tempo en distintas estacións meteorolóxicas do Camino de Santiago, empregando coñecementos de estatística traballados na aula.

O estudo deberá seguir unhas pautas dadas (definir variables, recompilar, organizar, resumir e representar datos, extraer conclusións e presentalo nun informe final. Ademais, será preciso  a creación dun pódcast para dar publicidade ao estudo.

O REA ten cinco fases ben diferenciadas:

• Descrición: "Camino a Galicia".
• Exploración: "El tiempo en tu mochila".
• Conexión: "Elige tu propio Camino".
• O reto final: "Ya tenemos Camino".
• Conclusión: "El final del Camino".

Na fase 1 é onde se describe o reto a acadar, e tamén onde se crean os equipos de traballo. Ademais comeza a historia dun persoaxe de ficción, Xurxo, que, xunto coa súa familia e unha amiga, Iria, farán de guías ao longo das seguintes fases.

Esta fase é motivacional e integradora, moi enfocada cara ao sentido socioafectivo.

Na fase 2 faise un repaso polos principais coñecementos abordados no curso de 1º de ESO sobre estatística. 

Na fase 3 abórdanse os contidos deste curso, e faise unha inmersión na situación de aprendizaxe, a través da recompilación e análise de datos de distintas estacións meteorolóxicas do Camiño de Santiago.

Na fase 4 ponse en práctica todo o aprendido, desenvólvese o reto.

Na fase 5 ponse en valor o aprendido compartíndoo co resto da clase mediante a exposición deste reto.

Os substrato do REA

A acepción que subxace en todo o REA é o estudo estatístico dun conxunto de datos.

A intención das persoas elaboradoras é que o alumnado sexa consciente de que na vida real xorden situacións que necesitan das matemáticas para a súa resolución, unhas máis simples e outras máis complexas. Para abordalas hai que recabar datos, ordenalos e facer un estudo estatístico onde poder sacar conclusións.

O deseño de estratexias para aportar solucións a problemas reais comeza por informarse e introducirse nesa situación, por iso en todas as páxinas deste REA hai resumos de contextos vinculados aos enunciados propostos.

Ademais hai vídeos que motivan e fomentan a creatividade, así como imaxes cunha intencionalidade concreta segundo o contido e o contexto traballado.

As actividades están deseñadas para asentar o pensamento crítico e axudar á comprensión, conexión e memorización dos contidos a distintos niveis para que estean ao alcance de todo o alumnado.

Inclúense tarefas  máis complexas que levan a indicación de "ampliación" para alumnado que queira completar a súa aprendizaxe.