Esta proposta didáctica está baseada nos eixes da materia "Lingua Castelá e Literatura" de 6º de Primaria:

Comprensión e interpretación de textos
- Identificar o sentido xeral e a información máis relevante de textos relacionados coa mitoloxía grega. 

Producción de textos
- Expresar oralmente con coherencia, claridade e rexistro adecuado: vivencias, experiencias persoais, emocións, ideas, etc.

- Elaborar descricións e biografías con corrección gramatical e ortográfica.

- Aplicar estratexias de planificación, textualización, redacción, revisión e edición.

Reflexión lingüística
-Transformar textos e apreciar en que medida os cambios producidos afectan, mellorando ou prexudicando a súa comprensión.

- Utilizar unha linguaxe non discriminatoria, detectar e rexeitar os abusos de poder a través da palabra.

Neste REA atenderemos a tres obxectivos de desenvolvemento sostible (ODS): 

• ODS 5, igualdade de xénero. Facendo consciente ao alumnado do poder das palabras e das súas consecuencias. Ao longo de todo o REA faise fincapé na reflexión sobre o uso que fai da linguaxe, para que sexan quen de identificar estereotipos e actitudes discriminatorias e evitar prexuizos. Como punto de partida de cara unha inclusión cada vez maior en todos os ámbitos, onde as mulleres e as nenas poidan vivir libres de discriminación e con igualdade de oportunidades. 

• ODS 15, vida de ecosistemas terrestres. Fomentando a conciencia ecolóxica como motor de cambio e compromiso futuro co medio. Unha parte do reto do REA é a creación dunha criatura mitolóxica formada por partes de diferentes animais. Cando se fai a proposta se lles anima a reflexionar sobre a importancia de conservar a biodiversidade, coñecendo especies en perigo de extinción e as causas da súa desaparición. 

Este REA, en relación coa programación didáctica de referencia publicada no aplicativo de PROENS para a área de Lingua Castelá e Literatura de 6º de Educación Primaria, contextualízase na unidade 6, que leva por nome "Quen me coñece mellor? É importante mencionar, que se trata da antepenúltima e penúltima unidades da materia, polo que alumnado terá que integrar o aprendido nas unidades previas da programación anual.

O recurso englóbase principalmente nos bloques:

• Bloque 2: Comunicación oral. Recolle aspectos fundamentais da lingua oral, o uso oral da lingua ten o propósito de favorecer a adquisición de destrezas específicas de pronuncia e entoación idóneas; de estratexias de recoñecemento, selección e interpretación da información; da construción e comunicación do coñecemento mediante a planificación e produción de textos orais e multimodales; da identificación e modelización das propiedades e tipoloxías dos textos; da interacción oral en situacións de aula, e de escoita activa na resolución dialogada de conflitos, respectando as normas esenciais da cortesía lingüística. A lectura e a produción oral implican unha paulatina mellora na comprensión de textos e inciden na aprendizaxe da lingua.
• Bloque 3: Comunicación escrita. Inclúe aspectos básicos e indispensables da lingua escrita, intensificando gradualmente o uso persoal, autónomo e creativo da lingua escrita. Implica o coñecemento das posibilidades que ofrece o código desde a perspectiva do léxico, da ortografía, da estrutura do discurso e das dimensións ética e estética. A produción de textos escritos e multimodales supoñerá a procura do xénero discursivo e do tipo de texto adecuado para cada situación comunicativa, utilizando, tanto de forma individual como colectiva, estratexias de planificación, redacción, revisión e edición. Nesta etapa teñen que consolidarse o dominio de técnicas gráficas, a relación entre son e grafía, as normas ortográficas convencionais e a disposición do texto desde as diferentes fases do proceso evolutivo da escritura. A lectura, tanto de forma individual como compartida, e a comprensión lectora permitirán ao alumnado adquirir as destrezas necesarias para a identificación das ideas máis relevantes e do sentido global dos textos, para a realización de inferencias e para a detección dos usos discriminatorios da linguaxe.
• Bloque 6: Reflexións sobre as linguas e os seus usos no marco de propostas de produción e comprensión de textos orais, escritos ou multimodales, incorpora criterios de avaliación e contidos relacionados co coñecemento da lingua e a súa organización, facilitando a construción guiada de conclusións propias sobre o sistema lingüístico e a mellora dos textos propios. Supón para o alumnado o establecemento de xeneralizacións básicas respecto do funcionamento da lingua, prestando especial atención ás diferentes relacións de forma, función, concordancia e significado entre as palabras e grupos de palabras; á observación e comprensión das regras de acentuación; ás modalidades oracionais en relación coa intención comunicativa; á correlación temporal establecida polos tempos verbais e ao uso de dicionarios, en distintos soportes. Preténdese, así mesmo, facilitar e permitir ao alumnado o coñecemento e a reflexión sobre a situación das linguas da contorna e do seu ámbito escolar dentro dun contexto plurilingüe, e a identificación de similitudes e diferenzas entre estas para conseguir unha competencia comunicativa integrada.

No que respecta aos obxectivos, este recurso centrase nos seguintes:

A continuación inclúense os descritores das competencias clave establecidos pola normativa e relacionados coa situación de aprendizaxe.