Criterios de avaliación e mínimos de consecución
De seguido establécese unha relación dos criterios de avaliación, os mínimos de consecución que se contemplan para cada criterio, os instrumentos de avaliación previstos e a súa ponderación en base á proposta establecida en PROENS para esta unidade.
| Códigos CA: descrición dos criterios de avaliación | Mínimos de consecución | Instrumentos de avaliación | Unidade didáctica (Proens) | % (Orientación de Proens) |
|---|---|---|---|---|
| CA1.1 - Mostrar interese e respecto polas distintas linguas e variedades dialectais, incluídas as linguas de signos, identificando as características fundamentais das da súa contorna xeográfica, así como algúns trazos dos dialectos e linguas familiares do alumnado. | Amosa respecto e consideración polas distintas maneiras de falar do resto de persoas. | TI | 2 | 5 |
| CA1.2 - Detectar de forma autónoma e en contextos próximos, prexuízos e estereotipos lingüísticos frecuentes, ofrecendo alternativas e valorando a pluralidade lingüística do mundo, particularmente a dualidade lingüística galego-castelán, como unha fonte de riqueza cultural, especialmente en comunidades bilingües como a galega. | Usa unha linguaxe respectuosa e inclusiva en todos os contextos. | TI | 2 | 5 |
| CA1.3 - Identificar as distintas linguas empregadas na súa contorna, valorando a diversidade cultural próxima. | Traduce de maneira espontánea ao castelán un texto lido en galego. |
PE (non incluída no REA) |
2 | 5 |
| CA1.5 - Usar unha linguaxe non discriminatoria e respectuosa coas diferenzas e coa perspectiva de xénero. | Comunícase co resto de persoas con respecto e igual consideración. | TI | 2 | 6 |
| CA2.2 - Utilizar de xeito efectivo a linguaxe oral: escoitar con atención, recoller datos, preguntar, repreguntar, interpretar e un vocabulario adecuado ao nivel. | Respecta as quendas nas conversas en grupo absténdose de desacreditar a opinión do resto de persoas. | TI | 2 | 5 |
| CA2.4 - Participar en interaccións orais espontáneas ou reguladas, incorporando estratexias sinxelas de escoita activa, de cortesía lingüística e de cooperación conversacional. | Demostra comprensión respecto dos razoamentos do resto de persoas, aportando a opinión propia en función deles. | TI | 2 | 6 |
| CA3.1 - Ler de maneira silenciosa e en voz alta textos escritos e multimodais sinxelos, identificando e comprendendo o sentido global e a información relevante, e realizando inferencias de maneira acompañada a partir de estratexias básicas de comprensión antes, durante e despois da lectura, superando a interpretación literal. | Resume correctamente un texto de 150/200 palabras adaptado á súa idade. |
PE (non incluida no REA) |
2 | 8 |
| CA3.2 - Comprender distintos tipos de textos valorando a lectura como medio para ampliar o vocabulario e como gozo persoal. | Recoñece coa súa lectura a tipoloxía dun texto: literario, instrutivo, informativo. |
PE (non incluida no REA) |
2 | 8 |
| CA3.6 - Producir textos escritos e multimodais coherentes e adecuados de relativa complexidade, en distintos soportes, seleccionando o modelo discursivo que mellor responda a cada situación comunicativa, progresando na aplicación das normas gramaticais e ortográficas básicas ao servizo da cohesión textual e mobilizando estratexias, individuais ou grupais, de planificación, textualización, revisión e edición. | Redacta un texto de 150/200 palabras con claridade e cun vocabulario preciso e non repetitivo. |
PE (non incluida no REA) |
2 | 8 |
| CA3.7 - Elaborar textos escritos e multimodais coherentes, en distintos soportes, integrando recursos gráficos ou paratextuais que faciliten a comprensión do sentido global e da información relevante. | Elabora documentos dixitais empregando unha redacción correcta e un deseño axeitado, integrando correctamente as imaxes. |
PE (non incluida no REA) |
2 | 10 |
| CA6.1 - Comparar aspectos básicos das linguas do ámbito escolar e social para acadar unha competencia comunicativa integrada. | Redacta con corrección o resumo dunha conversa mantida coas compañeiras e os compañeiros. |
PE (non incluida no REA) |
2 | 8 |
| CA6.2 - Producir textos escritos e multimodais coherentes de relativa complexidade, en distintos soportes, seleccionando o modelo discursivo que mellor responda a cada situación comunicativa, progresando no uso das normas gramaticais e ortográficas e mobilizando estratexias sinxelas, individuais ou grupais, de planificación, redacción, revisión e edición. | Redacta textos de diversa tipoloxía con corrección na ortografía e na puntuación. |
PE (non incluida no REA) |
2 | 10 |
| CA6.6 - Aplicar os coñecementos sobre as categorías gramaticais e as regras de ortografía, para favorecer unha comunicación máis eficaz. | Identifica nomes, verbos e adxectivos nun documento escrito. |
PE (non incluida no REA) |
2 | 8 |
| CA6.7 - Sistematizar a adquisición de vocabulario a través dos textos. | Recoñece o significado da totalidade das palabras dun texto de 150/200 palabras a través do contexto ou por medio do uso do dicionario dixital ou físico. |
PE (non incluida no REA) |
2 | 8 |
| Lenda: %: Peso orientativo (o profesorado debe axustalo á súa programación); PE: Proba escrita, TI: Táboa de indicadores | ||||