1.1. O noso reto

1.2. Explora

Esta primeira fase ten como obxectivo presentar ao alumnado un reto: a elaboración dun calendario da biodiversidade baseado nunha contorna próxima.

A través deste desafío, búscase que o alumnado valore a biodiversidade dun espazo natural próximo. Ademais, serve como un punto de partida para fomentar a conciencia sobre a importancia de protexer os seres vivos e promover un uso sostible dos ecosistemas.

2.1. Científicas con sona

2.2. Pero... ti que dis?

O obxectivo desta fase é por un lado a  avaliación inicial dos coñecementos sobre os seres vivos é identificar o nivel de comprensión que o alumnado ten sobre estes conceptos despois do seu estudo na etapa de educación primaria.

Por outra banda tamén preténdese dar a coñecer as dúas mulleres pioneiras no estudo da biodiversidade e desmentir un bulo relacionado cos contidos deste REA.

3.1. Que fai posible que esteamos aquí?

3.2. Poñendo orde na biodiversidade

3.3. E ti, de quen ves sendo?

3.4. Ser ou non ser

3.5. Recapitula e afonda

Esta fase ten como obxectivo o estudo dos reinos desde unha perspectiva taxonómica e evolutiva, así como a organización dos seres vivos. A través desta análise, búscase que o alumnado comprenda e interiorice tanto a diversidade como a uniformidade dos seres vivos, recoñecendo os patróns que rexen a clasificación biolóxica.

Ademais, esta etapa permitirá establecer conexións entre a evolución dos organismos e a súa adaptación á contorna, fomentando unha visión global sobre a biodiversidade e a importancia de conservala.

4.1. Tomando decisións

4.2. Traballando no calendario

4.3. Posta de longo

O obxectivo deste reto para o alumnado de 1º de ESO é fomentar a toma de conciencia sobre a biodiversidade nunha contorna próxima.

A través desta iniciativa, búscase que os estudantes se convertan en defensores do medio ambiente, promovendo propostas de acción na súa contorna que contribúan a un uso máis sostible do ecosistema.