1.1. Tres C: coñezo, coido e conservo

1.2. Organicemos un ECOcongreso

Deséñase esta situación de aprendizaxe coa finalidade principal de desenvolver as competencias clave, a través dos contidos relativos a esta unidade. Paralelamente, preténdese que o alumnado estea inmerso nun contexto motivador e cercano a súa realidade, e para iso, deséñase un reto, que incite a adquisición dos contidos necesarios para chegar a realizalo.

Presentar este reto: organizar e levar a cabo un congreso científico, un Ecocongreso.

Elaborarase documentación e tamén presentacións para as intervencións e, unha vez finalizado o Ecocongreso, divulgaranse unhas conclusións en forma de medidas e hábitos saudables para a Ecosfera e para todos os seres vivos que a habitan.

2.1. Convivimos co non vivo

2.2. Non somos un ser vivo mais

Activación de contidos previos:  a Terra como un sistema formado por subsistemas terrestres que interaccionan entre si, relacionando as interaccións co equilibrio e conservación dos ecosistemas. 

Farase tamén un breve percorrido pola historia das relacións entre o ser humano e os ecosistemas co obxectivo de chegar á situación actual de insostibilidade.

Poderemos detectar o nivel, as carencias, e as dificultades na adquisición destes coñecementos, que, son base para poder abordar a seguinte fase.

2.3. Mulleres con sona

Presentación de mulleres importantes no mundo da ecoloxía e traballo de reflexión sobre os impactos das nosas accións cotiás.

2.4. Ti que dis!

Investigación sobre unha falsa crenza. Preténdense crear conflitos cognitivos, para afianzar a construción dos coñecementos científicos, e, con eles, valorar a realidade próxima.

3.1. Diversos e sostibles

3.2. Alterados e insostibles

3.3. Coñecemos os remedios

3.4. Comproba o que aprendiches

Afondamento nas características xerais dos ecosistemas así como na súa diversidade e dinámica. Todo isto acompañado de diferentes actividades multinivel.

O coñecemento da diversidade dos ecosistemas e a importancia da súa dinámica de equilibrio natural permitirá afondar na importancia de incorporar nas nosas vidas cotiás os remedios para evitar o seu deterioroe camiñar cara a súa conservación; é dicir, construír, facer algo para axudar á ecosfera a manterse sostible con nós e tamén divulgar e dar a coñecer os hábitos medioambientais saudables e a importancia da educación ambiental.

4.1. ECOgrupos

4.2. Documentación e organización

4.3. ECOcongreso

4.4. ECOconclusións, ECOmanifesto e ECOlibro

Desenvolvemento do reto: actividade grupal estruturada en catro fases: creación dos grupos de investigación, elaboración de documentación e organización do desenvolvemento, celebración do ECOcongreso e, por último, Ecoconclusións, ECOmanifesto e ECOlibro.

Actividade grupal, con moita compoñente motivacional. Pretende ser a consolidadora dos novos contidos adquiridos nas fases anteriores, e en sí mesma, unha tarefa que incremente a concienciación e sensibilización fronte a importancia da conservación dos ecosistemas e o respecto ao medio natural.

Nesta última fase ten lugar a presentación das conclusións e compromisos derivados da organización e celebración do ECOcongreso.

Culmina así o proceso de investigación, adquisición e consolidación dos contidos realizado polo alumnado ao longo desta unidade. Pero non podemos esquecer todos os procesos cognitivos de contraste/refutación de hipóteses aos que foron expostos, baixo un prisma científico.

Estas situacións de aprendizaxe, convírtense pois, en potenciadores das competencias clave, obxectivo primordial.